Jajis 9:20 - Pijin Bible

²⁰ Bat sapos nomoa, letem Abimelek bae hemi olsem faea an bonem yufala hu i mekem hem fo kamap sif, an wei blong yufala long Sekem an Bet-Milo bae hemi olsem faea wea hemi bonem Abimelek tu.”

Pijin Deuterocanon

²⁰ Bat sapos nomoa, letem Abimelek bae hemi olsem faea an bonem yufala hu i mekem hem fo kamap sif, an wei blong yufala long Sekem an Bet-Milo bae hemi olsem faea wea hemi bonem Abimelek tu.”

Jajis 9:20 ပူးပေါင်းရင်းမြစ်များ

Sams 140:10

Hemi gud tumas sapos bikfala faea hemi foldaon kam an bonem olketa. An hemi gud tumas sapos yu torowem olketa go insaet long wanfala hol wea olketa no save kamaot moa.

Sams 28:4

Plis yu mas panisim olketa fo olketa ravis samting wea olketa bin duim, an yu mas mekem olketa safa fo olketa nogud samting wea olketa bin duim.

Jajis 9:15

An hemi tok olsem, ‘Sapos hemi tru wea yufala barava laekem mi fo kamap sif blong yumi, hemi gud fo yufala kam haed long sado blong mi. Bat sapos yufala laea nomoa long mi, bae faea nao hemi kamaot long mi an bonem evri tri go kasem olketa nambawan sida tri blong Lebanon.’”

Jajis 9:19

Sapos olketa samting wea yufala bin duim long Jerub-Baal an laen blong hem hemi stret, oraet, bae yufala save hapi wetem, an hem bae hapi wetem yufala.

Jajis 9:21

Jotam hemi ranawe bikos hemi fraet long brata blong hem ya an hemi go stap long taon long Beere.

Jajis 9:23

God hemi mekem disfala sif fo agensim olketa pipol blong Sekem, an olketa pipol blong Sekem i agensim sif ya.

Jajis 9:44

Grup blong sif ya i ran go fo gadem geit blong taon ya, an narafala tufala grup ya i faetem olketa pipol long olketa gaden, an olketa kilim dae evriwan blong Sekem.

Jajis 9:6

Olketa pipol blong Sekem wetem olketa pipol blong Bet-Milo i kam tugeta long tambu ok tri long Sekem, an olketa mekem Abimelek fo hemi kamap sif blong olketa.