Jajis 9:17 - Pijin Bible

¹⁷ Yufala mas tingim taem wea dadi blong mi hemi bin faet fo sevem yufala from olketa pipol blong Midian, an hemi nating wari long laef blong hem tu.

Pijin Deuterocanon

¹⁷ Yufala mas tingim taem wea dadi blong mi hemi bin faet fo sevem yufala from olketa pipol blong Midian, an hemi nating wari long laef blong hem tu.

Jajis 9:17 ပူးပေါင်းရင်းမြစ်များ

Esta 4:16

“Plis, yu kolem evri Jiu hu i stap long Susa fo kam tugeta. Bae yufala mas gohed fo prea kam fo mi fo trifala de an trifala naet, an yufala mas stop fo no kaikai an dring. Mi wetem olketa wakagele blong mi, bae mifala duim olsem tu. Nao long en long trifala de ya, nomata hemi agensim lo, bae mi go long king. An nomata sapos mi duim olsem an bae mi dae, letem mi dae nao.”

Leta wea Pol hemi raetem go long sios long Rom 16:4

Tufala kolsap dae from tufala wakahad fo helpem mi, an mi hapi tumas long tufala. An olketa sios blong olketa pipol hu i no Jiu olketa talem tengkiu long tufala tu.

Leta wea Pol hemi raetem go long sios long Rom 5:8

Bat God nao hemi barava somaot lav blong hem long yumi, wea Kraes hemi dae fo mekem yumi fri taem yumi pipol blong sin yet.

Revelesin 12:11

Bat olketa Kristin olketa bin winim hem finis long paoa blong blad blong Smolfala Sipsip ya, an long paoa blong tru toktok wea olketa bin talemaot. An olketa wiling fo givim laef blong olketa an letem olketa seleva fo dae.

Jajis 12:3

Nao taem mi lukim dat yufala no kam fo helpem mifala, nomata mi fraet mi tekem olketa man blong mi an go faetem olketa. An Yawe nao hemi mekem mifala winim olketa. ?So waswe nao yufala wande kam fo faetem mifala distaem?”

Jajis 9:16

Bihaen wea Jotam hemi finisim stori ya hemi tok olsem, “!Olketa! ?Taem yufala mekem Abimelek hemi kamap sif blong yufala, waswe, yufala tingse yufala duim samting wea hemi barava stret? Taem dadi blong mi, Jerub-Baal, hemi laef yet, hem nao hemi duim plande gudfala samting fo yufala. ?Bat waswe? ?Taem yufala gohed fo duim olketa samting ya, yufala tinghevi long hem an long olketa pikinini blong hem tu?

Jajis 9:18

Bat tude, yufala agensim laen blong hem nao. Yufala bin kilim dae seventi san blong hem antap long wanfala ston, an mi nomoa mi ranawe. Abimelek ya, hemi san blong wakamere blong dadi blong mi nomoa, bat bikos hemi wanfala wantok blong yufala, yufala mekem hem fo kamap sif blong yufala.

1 Samuel 19:5

Long taem wea hemi kilim Golaeat, hemi redi fo lusim laef blong hem. An long taem ya, Yawe hemi mekem Israel fo win bikfala. Taem yu lukim samting ya, yu tu yu hapi long hem. Hemi nating mekem enisamting wea hemi rong. ?Waswe nao yu laek fo kilim hem dae? Yu nating garem eni gudfala rison fo kilim hem dae.”