Jajis 6:33 - Pijin Bible

³³ Nao ami blong Midian wetem ami blong Amalek, an ami blong olketa long drae eria long saet long ist i kam tugeta olsem wanfala bikfala ami blong Midian. An olketa evriwan i krosim Jodan riva an stap tugeta long bikfala flat ples long Jesreel.

Pijin Deuterocanon

³³ Nao ami blong Midian wetem ami blong Amalek, an ami blong olketa long drae eria long saet long ist i kam tugeta olsem wanfala bikfala ami blong Midian. An olketa evriwan i krosim Jodan riva an stap tugeta long bikfala flat ples long Jesreel.

Jajis 6:33 ပူးပေါင်းရင်းမြစ်များ

Jenesis 29:1

Bihaen, Jekob hemi gohed moa long gogo blong hem ya, an hemi kasem kantri ya long ist.

1 Kings 18:45

Nao no longtaem nomoa, klaod blong ren hemi fulap long skae, an win hemi stat blou, nao bikfala ren hemi stat foldaon kam. Oraet, king hemi go long kaat fo faet, an gobaek long Jesreel.

1 Kings 21:1

Hem nao stori abaotem wanfala plantesin blong grep wea hemi stap kolsap long haos blong King Ehab long Jesreel. Plantesin ya hemi blong man olketa kolem Nabot.

1 Kings 4:30

Hemi waes moa winim olketa waes man blong olketa kantri long ist an olketa waes man blong Ijip.

1 Kronikols 5:19

Olketa ya bin go faetem laen blong Hagri, an laen blong Jetua, an laen blong Nafis, an laen blong Nodab.

Stori abaotem Job 1:3

Hemi garem 7,000 sipsip, an 3,000 kamel, an 1,000 buluka, an 500 dongki. An hemi garem plande wakaman, an hemi barava ris fogud winim evriwan long olketa ples long eria wea san hemi kamap.

Sams 3:1

Lod Yawe, olketa enemi blong mi ya i plande tumas. An olketa gohed fo agensim mi.

Esikiel 25:4

From samting ya nao, bae mi letem olketa blong drae eria long ist fo faetem yufala an tekova long yufala. Bae olketa putumap olketa haostent blong olketa long kantri ya blong yufala fo stap long hem. An bae olketa kaikaim evri kaikai an frut blong yufala, an dringim milk long olketa animol blong yufala.

Hosia 1:5

An long vali long Jesreel, bae mi spoelem tu paoa blong ami blong Israel.”

Josua 17:16

Bat olketa tok olsem, “Olketa ples long olketa hil ya hemi no fitim mifala an mifala no save stap long flat ples tu. Olketa pipol blong Kenan long Bet-San wetem olketa vilij wea i stap raon long olketa, an olketa wea i stap long vali long Jesreel i strong tumas bikos olketa garem olketa kaat fo faet wea olketa mekem long aean.”

Josua 19:18

Olketa taon insaet long eria ya nao: Jesreel, an Kesulot, an Sunem,

Josua 3:16

wata ya hemi stop nao. Haf long riva wea hemi gohed fo ran kamdaon, hemi hipap farawe tumas kolsap long taon long Adam wea hemi kolsap long ples long Saretan. An narafala haf long riva wea hemi gohed fo ran godaon kasem Ded Si hemi kamap barava drae nao. Evriwan i go akros nao long narasaet kolsap long Jeriko.

Jajis 6:3

An evritaem wea olketa blong Israel i gohed fo plantem gaden blong olketa, laen blong Midian wetem laen blong Amalek an olketa laen long drae eria long ist saet, i joen tugeta fo faetem Israel.

Jajis 7:1

Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.

Jajis 7:24

An hemi sendem samfala man fo go long olketa ples long olketa maonten long lan blong Efrem. Olketa sei olsem, “Yufala kamdaon kuiktaem mekem yumi faetem ami blong Midian. Yufala gadem olketa ples wea olketa save krosim Jodan riva. Yufala no letem eniwan long olketa fo go akros narasaet long Jodan Riva fo kasem Bet-Bara.” So olketa soldia blong Efrem i kam tugeta an satem evri ples fo krosim Jodan riva go kasem Bet-Bara.

Jajis 7:8

So Gidion hemi talem 300 man ya fo stap wetem hem, an hemi tok olsem long olketa narafala man ya, “Yufala livim olketa basket kaikai wetem olketa trampet blong yufala long hia, an yufala go hom.” Long datfala taem, Gidion wetem olketa soldia ya i stap antap long hil, an ami blong Midian hemi stap long flat ples.