Jajis 3:10 - Pijin Bible

¹⁰ Nao Spirit blong Yawe hemi kam long Otniel an hemi givim paoa long hem an hemi kamap sif blong Israel an lidim olketa long faet. Nao Yawe hemi mekem Otniel winim Kusan-Risataem.

Pijin Deuterocanon

¹⁰ Nao Spirit blong Yawe hemi kam long Otniel an hemi givim paoa long hem an hemi kamap sif blong Israel an lidim olketa long faet. Nao Yawe hemi mekem Otniel winim Kusan-Risataem.

Jajis 3:10 ပူးပေါင်းရင်းမြစ်များ

1 Kronikols 12:18

Den spirit blong God hemi kam long Amasae hu hemi lida long olketa teti nambawan soldia, an hemi singaot bikfala olsem, “!Deved, san blong Jese! !Mifala blong yu nao! Bae yu save winim olketa faet. An bae evriwan wea i helpem yu save winim olketa faet. God hemi helpem yu nao.” So Deved hemi welkamem olketa, an hemi mekem olketa lidim olketa smol seksin long soldia wea i go stilim olketa samting from olketa vilij blong enemi.

2 Kronikols 15:1

Long taem wea king Asa hemi kambaek long Jerusalem, Spirit blong God hemi kasem Asaraea, san blong Oded. So hemi go fo mitim Asa an olketa man blong hem. Den hemi tok olsem, “!King Asa, an olketa pipol blong Jiuda an Benjamin, yufala evriwan lisin kam long mi! Sapos yufala askem Yawe fo stap wetem yufala, bae hemi save stap wetem yufala. Sapos yufala askem hem fo lidim yufala, bae hemi save lidim yufala. Bat sapos yufala lusim hem, bae hemi lusim yufala tu.

2 Kronikols 20:14

Den Spirit blong Yawe hemi kam long wanfala Livaet long laen blong Asaf wea hemi stap wetem olketa. Man ya hemi Jahasiel, san blong Sekaraea. Sekaraea hemi san blong Benaea. Benaea hemi san blong Jehiel. Jehiel hemi san blong Matanaea.

Sams 51:11

Plis yu no raosim mi aot from yu, an no tekemaot paoa blong yu from mi. Disfala paoa ya hemi save mekem mi holi.

Nambas 11:17

Bae mi kamdaon long dea, fo toktok wetem yu. An bae mi tekem samfala paoa blong Spirit blong mi wea hemi insaet long yu, an bae mi putum samfala paoa ya long olketa. So olketa save helpem yu fo lukaftarem olketa pipol, mekem hemi no wari blong yu seleva nomoa.

Nambas 11:25

Yawe hemi kamdaon long klaod an hemi toktok wetem Mosis. Hemi tekem samfala paoa blong Spirit blong hem wea hemi bin givim long Mosis bifoa, an givim paoa blong Spirit long seventifala lida ya tu. An taem paoa blong Spirit blong hem hemi kam long olketa, seventifala lida ya i toktok olsem olketa profet, bat olketa duim wanfala taem nomoa.

Nambas 11:29

Bat hemi tok olsem, “?Waswe, yu wari long mi, hem nao yu laek fo stopem olketa? !Bat mi laekem Yawe fo givim paoa blong Spirit blong hem long olketa evriwan, mekem olketa toktok olsem profet.”

Nambas 24:2

Hemi lukim ples wea olketa haostent blong evri traeb blong Israel i stap long hem. Den Spirit blong God hemi kam long hem,

Nambas 27:18

Nao Yawe hemi tok olsem long hem, “Josua, san blong Nun, hem nao man wea paoa blong Spirit blong mi hemi stap wetem hem. Bae yu tekem hem kam fo stanap long ae blong Haeprist Eleasa an olketa pipol, an yu putum han blong yu antap long hed blong hem, an yu prea fo hem. An long ae blong evriwan, bae yu talemaot olsem wea hem nao bae hemi sensim yu.

Hibrus 6:4

Nao olketa Kristin hu i tanem go baeksaet blong olketa long Kraes, hemi had tumas fo olketa tane kambaek long Kraes moa ya. Bikos fastaem, olketa save finis wea God hemi tru, an olketa tekem disfala presen wea God hemi givim kamdaon long heven, an Holi Spirit hemi stap long laef blong olketa finis.

Jajis 11:29

Oraet, Spirit blong Yawe hemi kam long Jefta an givim paoa long hem. So hemi go long lan blong Gilead an long lan blong Manase fo kolem kam olketa man fo faet. An hemi kambaek moa long Mispa long Gilead an bihaen hemi go fo faetem laen blong Amon.

Jajis 11:32

Olketa Jefta i go long laen blong Amon fo faetem olketa. An Yawe hemi mekem olketa Jefta fo winim olketa ya.

Jajis 13:25

Oraet, Spirit blong Yawe hemi stat fo mekem Samson fo kamap strong taem hemi stap long Mahane-Dan, wanfala ples midol long tufala taon long Sora an Estaol.

Jajis 14:19

Spirit blong Yawe hemi kam long hem, an hemi mekem hemi barava strong moa, nao hemi godaon long taon long Askelon. An long ples ya, hemi kilim dae tetifala man an tekemaot olketa spesol kaleko blong olketa. Bihaen, hemi gobaek long Timna an hemi givim olketa kaleko ya long olketa man hu i talemaot ansa blong tokhaed ya. Hemi barava kros fogud from disfala samting, so hemi gobaek long ples blong dadi blong hem.

Jajis 14:6

Nao Spirit blong Yawe hemi kamdaon long hem an mekem hem kamap barava strong tumas, an hemi go kilim dae laeon ya an pisisim bodi blong hem long han blong hem nomoa. Hemi kilim dae datfala laeon olsem wea laeon save kilim dae smolfala nanigot nomoa. Bat hemi no talem samting ya long mami an dadi blong hem.

Jajis 15:14

Oraet, taem olketa kasem Lehi, olketa soldia blong Filistia i ran kam long hem an olketa singaot. Long datfala taem, Spirit blong Yawe hemi kam long hem, an hemi mekem hemi strong moa. Hemi brekem tufala rop ya wea olketa taemapem long hem, olsem wea man save brekem drae gras.

Jajis 3:11

So lan blong pipol blong Israel i stap long piis fo foti yia go kasem taem wea Otniel hemi dae.

Jajis 3:8

An diswan nao hemi mekem Yawe fo kros tumas long olketa. Nao hemi mekem Kusan-Risataem, Paramaon sif long Mesopotemia, fo winim olketa long faet. An olketa stap andanit long hem fo eitfala yia.

Jajis 6:34

Long datfala taem, Spirit blong Yawe hemi kam long Gidion. Nao Gidion hemi stanap an bloum trampet fo kolem laen blong hem fo kam falom hem.

1 Samuel 10:10

Taem Sol wetem wakaman i kasem Gibea, wanfala grup long olketa profet i kam mitim hem. Nao seknomoa, Spirit blong God hemi kam long Sol an hemi go joenem olketa, an hemi dans an singsing fo preisim God.

1 Samuel 10:6

An seknomoa, Spirit blong Yawe bae hemi kam kontrolem yu, an yu tu bae yu go joenem olketa fo dans an singsing fo preisim God. Hem nao bae yu kamap deferen man finis.

1 Samuel 11:6

An taem hemi herem nius ya nomoa, Spirit blong God hemi kam an kontrolem hem nao wea hemi mekem hem kamap kros tumas.

1 Samuel 16:13

So Samuel hemi tekem oliv oel, hemi kapsaetem go long hed blong Deved fo mektambu long hem. Hemi duim samting ya long ae blong olketa brata blong hem. Stat long de ya, Spirit blong Yawe hemi stap oltaem wetem hem. Bihaen, Samuel hemi gohom long Rama.