Jajis 20:48 - Pijin Bible

⁴⁸ Den ami blong Israel hemi taneraon an gobaek fo kilim dae olketa long traeb blong Benjamin wea i stap yet. Olketa kilim dae nao evriwan an evri animol an bonem nao evri taon blong traeb blong Benjamin.

Pijin Deuterocanon

⁴⁸ Den ami blong Israel hemi taneraon an gobaek fo kilim dae olketa long traeb blong Benjamin wea i stap yet. Olketa kilim dae nao evriwan an evri animol an bonem nao evri taon blong traeb blong Benjamin.

Jajis 20:48 ပူးပေါင်းရင်းမြစ်များ

2 Kronikols 25:13

Long datfala taem, olketa soldia blong Efrem wea Amasaea hemi sendem olketa gobaek, olketa go spoelem olketa taon blong pipol blong Jiuda stat long Samaria go kasem Bet Horon. An olketa kilim 3,000 pipol blong Jiuda, an olketa stilim plande samting an tekem gobaek wetem olketa.

Provebs 18:19

Hemi had tumas fo go kolsap long brata hu hemi kros long yu, bikos hemi olsem biktaon wetem wolston raonem. Raoa blong hem, hemi olsem aean geit wea olketa lokem.

Jajis 20:47

Bat wea, 600 soldia long traeb blong Benjamin nomoa i ranawe go long drae eria fo haed long bikfala ston long Rimon. Olketa stap fo fofala mans long ples ya.

Jajis 21:1

Bifoa, taem olketa traeb blong Israel i bin hipap tugeta long Mispa, olketa evriwan bin mekem wanfala tambu promis olsem, “Bae mifala no givim eni gele blong mifala fo maritim eni man long traeb blong Benjamin.”

Jajis 21:23

So olketa man long traeb blong Benjamin i duim olsem nao. Olketa go fo haed, an taem olketa gele ya i kamaot fo dans, evri man i tekem wanfala gele fo kamap waef blong hem. Olketa tekem olketa gobaek long hom blong olketa. An olketa wakem gud moa olketa taon blong olketa fo stap long hem.