Jajis 20:45 - Pijin Bible

⁴⁵ Bat samfala tane go fo ranawe go long drae eria fo haed long bikfala ston long Rimon. Ami blong Israel hemi kilim dae narafala 5,000 man long rod. An ami blong Israel hemi gohed fo ronem olketa hu i laef yet wea i ranawe go long Gidom an olketa kilim dae 2,000 man moa.

Pijin Deuterocanon

⁴⁵ Bat samfala tane go fo ranawe go long drae eria fo haed long bikfala ston long Rimon. Ami blong Israel hemi kilim dae narafala 5,000 man long rod. An ami blong Israel hemi gohed fo ronem olketa hu i laef yet wea i ranawe go long Gidom an olketa kilim dae 2,000 man moa.

Jajis 20:45 ပူးပေါင်းရင်းမြစ်များ

1 Kronikols 6:77

Nao olketa givim go olketa taon wetem lan raonem olketa long olketa narafala laen blong Merari. Long distrik blong Sebulun, olketa garem tufala taon olsem: Rimono an Teboa.

Sekaraea 14:10

An long evri ples long disfala lan, stat long Geba long not go kasem Rimon long saot, bae hemi kamap levol. Bat Jerusalem bae hemi stap seleva long ples blong hem antap long maonten. Wolston blong hem bae hemi stat long Geit blong Benjamin go long Olo Geit an go kasem Kona Geit. An bae hemi stat long Gadhaos blong Hananel, go kasem ples fo mekem waen blong king.

Josua 15:32

an Lebaeot, an Silhim, an Aen, an Rimon. Hem nao tuenti-naen taon wea i stap long datfala eria wetem olketa vilij wea i stap raonem olketa.

Jajis 20:44

Long datfala taem, olketa kilim dae 18,000 soldia long traeb blong Benjamin,

Jajis 20:46

Namba long ami blong Benjamin wea i dae long datfala de hemi 25,000 soldia hu i savegud hao fo faet an olketa evriwan i garem naet fo faet.

Jajis 21:13

Long datfala taem, olketa traeb blong Israel i sendem go toktok long olketa man blong traeb blong Benjamin wea i haed yet long bikfala ston long Rimon. Olketa talem traeb blong Benjamin dat olketa laekem piis moa.