Jajis 19:15 - Pijin Bible

¹⁵ Oraet, olketa go insaet long taon ya fo faendem ples fo slip. Olketa go sidaon long eria blong maket an olketa weit nomoa fo eni man blong taon ya fo kam an tekem olketa go long haos blong hem.

Pijin Deuterocanon

¹⁵ Oraet, olketa go insaet long taon ya fo faendem ples fo slip. Olketa go sidaon long eria blong maket an olketa weit nomoa fo eni man blong taon ya fo kam an tekem olketa go long haos blong hem.

Jajis 19:15 ပူးပေါင်းရင်းမြစ်များ

Matiu 25:35

Taem mi hanggre, yufala nao givim kam kaikai long mi, an taem mi wande fo dring, yufala nao givim wata long mi. Taem mi no garem eni ples fo stap long hem, yufala nao tekem mi go long haos blong yufala,

Matiu 25:43

Taem mi no garem eni ples fo stap long hem, yufala nating tekem mi go long haos blong yufala, an taem mi no garem enisamting fo werem, yufala nating givim kaleko long mi. An taem mi sik an taem mi stap long prisin, yufala nating kam fo lukim mi.’

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.

Jajis 19:14

Olketa go moa an olketa kam kolsap long Gibea, wanfala taon blong traeb blong Benjamin. An san hemi go-godaon nao.

Jajis 19:16

Taem olketa gohed fo sidaon, wanfala oloman hemi kam, hemi jes kambaek from gaden. Olo ya bin kam from olketa maonten long lan blong Efrem an hemi stap finis long Gibea. Bat evriwan moa long taon ya i long traeb blong Benjamin.

Jajis 19:18

So man ya hemi tok olsem, “Mifala bin go long Betlehem long Jiuda, an distaem, mifala go fastaem long tambu haostent blong Yawe. Hom blong mifala hemi long bus long olketa maonten long lan blong Efrem. Mifala wande fo slip long hia, bat no eniwan hemi askem mifala fo go long haos blong hem.