Jajis 18:20 - Pijin Bible

²⁰ Disfala toktok hemi mekem prist ya hem hapi tumas, so hemi karim go olketa tambu samting an go wetem olketa.

Pijin Deuterocanon

²⁰ Disfala toktok hemi mekem prist ya hem hapi tumas, so hemi karim go olketa tambu samting an go wetem olketa.

Jajis 18:20 ပူးပေါင်းရင်းမြစ်များ

Provebs 30:15

Gridi wei hemi garem tufala dota. Nem blong tufala, Givim an Givim. Nao trifala samting i stap wea trifala no save hapi, hem nao ples blong pipol hu i dae, graon wea hemi drae tumas, an woman hemi no bonem pikinini. Bat mekfoa samting nao hemi nating save talem, “Inaf nao,” hem nao faea.

Aesaea 56:11

Oltaem olketa i olsem nomoa olketa dog wea i hanggre tumas, an nomata olketa kaikai, bat olketa nating save fulap. Olketa lida ya i nating save long gudfala wei blong Yawe. Olketa evriwan i falom nomoa olketa tingting blong olketa seleva mekem olketa save kasem olketa gudfala samting.

Esikiel 13:19

Yufala gohed nomoa fo spoelem nem blong mi long ae blong olketa pipol blong mi, an yufala tekem lelebet kaikai nomoa fo pei blong yufala. Yufala gohed fo laea long olketa pipol blong mi, nao olketa gohed fo bilivim yufala nomoa. Hemi olsem wea yufala kilim dae olketa hu mas no dae, an olketa hu i mas dae, yufala kipim olketa laef nomoa.

Esikiel 21:21

Datfala king hemi stanap long saen ya, long ples wea rod hemi divaed long hem. Long datfala ples nao, hemi gohed fo holem olketa aro an hemi sekem olketa, an hemi tok long olketa kaving god blong hem fo faendemaot tingting blong olketa, an hemi gohed fo luklukgud long liva blong animol wea hemi bin sakrifaesim long olketa god blong hem. Hemi duim kaen majik olsem fo faendemaot rod wea bae hemi go falom.

Hosia 4:3

From disfala samting nao, bae mi mekem evrisamting long disfala lan fo kamap drae, an evrisamting wea hemi stap insaet bae hemi dae. Evri animol an evri bed an evri fis long disfala ples bae i dae evriwan.”

Levitikas 26:1

Yawe hemi tok olsem, “Yufala mas no wakem olketa tambu kaving, o eni narakaen tambu samting fo yufala wosipim. An yufala mas no stanemapem olketa tolfala ston kaving fo yufala wosipim olketa, bikos mi nao Yawe, God blong yufala.

Aposol 20:33

No enitaem mi bin kavetem silva o gol o kaleko blong eni nara man.

Filipae 3:19

Diskaen pipol ya, wanem olketa laekem fo bodi blong olketa seleva, hem nao olsem god blong olketa. An olketa praod fo duim olketa samting wea yumi save filsem tumas long hem. Olketa tingting olowe long evrisamting blong wol nomoa. Bae olketa kaen pipol olsem i go lus long hel.

2 Pita 2:3

An bikos olketa laea tisa laekem seleni tumas, bae olketa mekem enikaen laea tising fo tekem seleni blong yufala. Bat God hemi jajem olketa wei olsem finis, ya longtaem nao hemi jajem finis olketa laea tisa ya. Hemi redi olowe nomoa fo panisim olketa.

Jajis 17:10

So Maeka hemi tok olsem long hem, “Yu kam stap nomoa wetem mi. Bae yu kamap prist blong mi, an yu nao bae talem mifala wanem God hemi laekem mifala fo duim. Bae mi givim tenfala silva seleni long yu fo wanfala yia, an bae mi givim kaleko an kaikai long yu tu.”

Jajis 18:19

Bat olketa tok olsem long hem, “!Satem maos blong yu, yu no tok! Kam joenem mifala an kamap prist blong mifala. Bae yu talem mifala wanem God hemi laekem mifala fo duim. Ating hemi moabeta fo yu kamap prist blong wanfala traeb blong Israel winim wea yu prist blong wanfala famili nomoa.”

Jajis 18:21

Oraet, olketa wakabaot go nao. Olketa pikinini blong olketa an olketa animol blong olketa an evrisamting blong olketa i go fastaem bat olketa soldia i wakabaot kam bihaen long olketa.