Jajis 18:18 - Pijin Bible

¹⁸ Nao taem olketa kam aotsaet wetem olketa samting ya, prist hemi tokstrong long olketa olsem, “!Sei! ?Wanem nao yufala duim ya?”

Pijin Deuterocanon

¹⁸ Nao taem olketa kam aotsaet wetem olketa samting ya, prist hemi tokstrong long olketa olsem, “!Sei! ?Wanem nao yufala duim ya?”

Jajis 18:18 ပူးပေါင်းရင်းမြစ်များ

Aesaea 46:2

Tufala god ya i nating garem eni paoa fo sevem tufala seleva. Olketa enemi i holem tufala finis an karim go nao. Hem nao en blong tufala kaving god ya blong Babilon.

Esikiel 21:21

Datfala king hemi stanap long saen ya, long ples wea rod hemi divaed long hem. Long datfala ples nao, hemi gohed fo holem olketa aro an hemi sekem olketa, an hemi tok long olketa kaving god blong hem fo faendemaot tingting blong olketa, an hemi gohed fo luklukgud long liva blong animol wea hemi bin sakrifaesim long olketa god blong hem. Hemi duim kaen majik olsem fo faendemaot rod wea bae hemi go falom.

Levitikas 26:1

Yawe hemi tok olsem, “Yufala mas no wakem olketa tambu kaving, o eni narakaen tambu samting fo yufala wosipim. An yufala mas no stanemapem olketa tolfala ston kaving fo yufala wosipim olketa, bikos mi nao Yawe, God blong yufala.

Jajis 18:17

Den, prist hemi go stap long geit. Bat faefala man ya i go insaet long haos an karim kamaot silva tambu kaving ya wetem efod an olketa narafala tambu kaving moa.

Jajis 18:19

Bat olketa tok olsem long hem, “!Satem maos blong yu, yu no tok! Kam joenem mifala an kamap prist blong mifala. Bae yu talem mifala wanem God hemi laekem mifala fo duim. Ating hemi moabeta fo yu kamap prist blong wanfala traeb blong Israel winim wea yu prist blong wanfala famili nomoa.”