Jajis 15:14 - Pijin Bible

¹⁴ Oraet, taem olketa kasem Lehi, olketa soldia blong Filistia i ran kam long hem an olketa singaot. Long datfala taem, Spirit blong Yawe hemi kam long hem, an hemi mekem hemi strong moa. Hemi brekem tufala rop ya wea olketa taemapem long hem, olsem wea man save brekem drae gras.

Pijin Deuterocanon

¹⁴ Oraet, taem olketa kasem Lehi, olketa soldia blong Filistia i ran kam long hem an olketa singaot. Long datfala taem, Spirit blong Yawe hemi kam long hem, an hemi mekem hemi strong moa. Hemi brekem tufala rop ya wea olketa taemapem long hem, olsem wea man save brekem drae gras.

Jajis 15:14 ပူးပေါင်းရင်းမြစ်များ

Stori abaotem Job 20:5

ravis pipol i save hapi fo lelebet taem nomoa.

Sams 118:11

Ya, olketa raonem mi finis nao fo faet, bat mi barava winim olketa nomoa long paoa blong Yawe.

Sams 18:34

Hemi gohed fo lanem mi hao fo faet, mekem mi save pulum nomoa bou ya wea hemi barava strong fogud.

Eksodas 14:3

Oraet, bae king hemi tingse olketa lusim rod an gohed fo go olobaot nomoa long drae eria, an olketa no save goaot.

Eksodas 14:5

Taem king hemi herem dat olketa pipol blong Israel i ranawe finis, hem wetem olketa bikman blong hem i sensim tingting blong olketa, an olketa tok olsem, “?Wanem nao yumi duim ya? !Yumi letem olketa ya fo ranawe, an yumi lusim olketa slev blong yumi nao!”

Maeka 7:8

(Profet) Nomata yumi foldaon finis, bat olketa enemi blong yumi nating save hapi nomoa long disfala trabol. Yumi foldaon, bat bae yumi stanap moa. Nomata yumi stap long tudak, bat Yawe seleva nao bae hemi laet blong yumi.

Sekaraea 4:6

Oraet, enjel ya hemi tok olsem long mi, ?Hem ya nao Mesij blong Yawe long Serababel: I no long strong blong yufala. An i no long paoa blong yufala. Bat i long spirit blong mi nomoa. ?Hem nao toktok blong Yawe hu hemi garem evri paoa.

Filipae 4:3

An yu Susuge, wea yu stap tugeta wetem mi long waka, yu tu mas helpem tufala woman ya. Tufala bin wakahad fo talemaot Gudnius wetem mi an wetem Klemen an olketa narawan moa wea nem blong olketa i stap insaet long buk blong laef.

Jajis 14:19

Spirit blong Yawe hemi kam long hem, an hemi mekem hemi barava strong moa, nao hemi godaon long taon long Askelon. An long ples ya, hemi kilim dae tetifala man an tekemaot olketa spesol kaleko blong olketa. Bihaen, hemi gobaek long Timna an hemi givim olketa kaleko ya long olketa man hu i talemaot ansa blong tokhaed ya. Hemi barava kros fogud from disfala samting, so hemi gobaek long ples blong dadi blong hem.

Jajis 14:6

Nao Spirit blong Yawe hemi kamdaon long hem an mekem hem kamap barava strong tumas, an hemi go kilim dae laeon ya an pisisim bodi blong hem long han blong hem nomoa. Hemi kilim dae datfala laeon olsem wea laeon save kilim dae smolfala nanigot nomoa. Bat hemi no talem samting ya long mami an dadi blong hem.

Jajis 15:13

Nao olketa tok olsem long hem, “Ya, mifala agri wea bae mifala no kilim yu dae bat jes taemapem yu an givim yu go long olketa.” Nao olketa taemapem hem long tufala niu rop. Den olketa tekem hem aot from kev long Etam.

Jajis 15:9

Bihaen, ami blong Filistia hemi kam stap long lan blong Jiuda fo faet long ples long Lehi wea hemi minim bon blong maos.

Jajis 16:12

Oraet, Dilaela hemi tekem olketa niufala rop an taemapem Samson long hem. Taem olketa man i haed long narafala rum, hemi kolem hem olsem, “!Samson getap! !Olketa blong Filistia i kam nao!” Bat Samson hemi stanap an brekem olketa rop long han blong hem olsem olketa pis koton nomoa.

Jajis 16:24

An taem olketa pipol i lukim tambu kaving blong Dagon, olketa singsing fo preisim disfala god olsem, “Samson hemi spoelem lan blong yumi an hemi kilim dae plande man blong yumi. Hem nao enemi blong yumi, bat wea, god blong yumi hemi mekem yumi fo winim hem.”

Jajis 16:9

Bat fastaem, hemi haedem samfala man insaet long rum kolsap long ples wea tufala stap long hem. Nao hemi kolem hem olsem, “!Samson getap! !Olketa blong Filistia i kam nao!” Seknomoa, Samson hemi brekem olketa rop olsem wea string hemi brek long faea. So olketa no save wanem nao mekem hem fo kamap strong tumas olsem.

Jajis 3:10

Nao Spirit blong Yawe hemi kam long Otniel an hemi givim paoa long hem an hemi kamap sif blong Israel an lidim olketa long faet. Nao Yawe hemi mekem Otniel winim Kusan-Risataem.

1 Samuel 10:10

Taem Sol wetem wakaman i kasem Gibea, wanfala grup long olketa profet i kam mitim hem. Nao seknomoa, Spirit blong God hemi kam long Sol an hemi go joenem olketa, an hemi dans an singsing fo preisim God.

1 Samuel 10:6

An seknomoa, Spirit blong Yawe bae hemi kam kontrolem yu, an yu tu bae yu go joenem olketa fo dans an singsing fo preisim God. Hem nao bae yu kamap deferen man finis.

1 Samuel 11:6

An taem hemi herem nius ya nomoa, Spirit blong God hemi kam an kontrolem hem nao wea hemi mekem hem kamap kros tumas.

1 Samuel 17:35

oltaem mi ran go bihaen an mi kilim hem fo sevem smolfala sipsip ya. An sapos laeon o bea hemi jam kam long mi, mi kasholem hem long nek an kilim hem dae.

1 Samuel 4:5

Taem olketa blong Israel i lukim dat Tambu Boks blong Yawe hemi kasem ples ya, olketa singaot bikfala bikos olketa hapi tumas, an hemi olsem wea graon hemi seksek.