Jajis 13:22 - Pijin Bible

²² Manoa hemi fraet tumas an tok olsem long waef blong hem, “!Man! !Yumitufala lukim God, bae yumitufala dae nao ya!”

Pijin Deuterocanon

²² Manoa hemi fraet tumas an tok olsem long waef blong hem, “!Man! !Yumitufala lukim God, bae yumitufala dae nao ya!”

Jajis 13:22 ပူးပေါင်းရင်းမြစ်များ

Jenesis 32:30

So Jekob hemi tok olsem, “!Maewat! !Mi barava lukim fes blong God nao long ae blong mi, bat mi laef yet!” Nao hemi kolem ples ya “Peniel” o “Fes blong God”.

Eksodas 24:10

an olketa lukim God blong Israel. Long ples ya wea hemi stanap long hem, olketa lukim olketa naesfala ston ya olketa kolem sapia wea hemi mekem wanfala flat ples fo wakabaot long hem. An kala blong hem hemi blu olsem skae.

Eksodas 24:9

Nao Mosis wetem Eron, an Nadab, an Abihu an olketa seventifala lida ya i go antap long maonten ya,

Eksodas 3:6

Mi nao God blong olketa grani blong yu long bifoa, God blong Ebraham, an Aesak, an Jekob.” So Mosis hemi kavaremap fes blong hem, bikos hemi fraet fo luk go long God.

Eksodas 33:20

Bat mi no save letem yu fo lukim fes blong mi, bikos sapos eniwan hemi lukim fes blong mi, hemi mas dae.

Aesaea 6:5

Mi tok olsem, “!Man! !Mi barava no fitim fo laef nao! Evri toktok wea hemi kamaot long maos blong mi hemi fulap nomoa long sin, an mi stap long midol long olketa pipol wea evri toktok blong olketa hemi fulap tu long sin. Nomata olsem, mi bin lukim finis disfala King, Yawe hu hemi garem evri paoa.”

Gudnius abaotem Jisas Kraes wea Jon hemi raetem 1:18

No eniwan barava lukim God yet ya. Bat San Blong God hu hemi wanfala nomoa an hemi barava God an hemi barava stap wetem Dadi blong hem, hem nao hemi somaot God long yumi.

Gudnius abaotem Jisas Kraes wea Jon hemi raetem 5:37

An Dadi ya hu hemi sendem mi kam, hem seleva hemi talemaot finis evrisamting abaotem mi. Bat yufala ya, yufala nating herem hem yet o lukim hem yet,

Diutronomi 4:38

An hemi gohed fo ronemaot olketa pipol wea i barava strong tumas winim yufala. Hemi duim olsem fo givim lan blong olketa long yufala mekem yufala tekova long hem an onam.

Diutronomi 5:26

?Waswe, eni man hemi herem disfala God hu hemi laef, hemi toktok kam from faea olsem mifala bin herem, an man ya hemi laef yet?

Jajis 6:22

Den Gidion hemi jes savegud nao dat man ya hemi Enjel blong Yawe. Hemi fraet an hemi tok olsem, “Lod Yawe, mi filnogud tumas. Ating bae mi dae bikos mi lukim fes blong Enjel blong yu.”