Jajis 11:26 - Pijin Bible

²⁶ Mifala onam finis tufala ples long Hesbon an Aroa, wetem olketa vilij wea i stap raonem tufala, an wetem evri taon wea i stap long saet blong Anon Riva fo 300 yia nao. ?Hemi barava longtaem tumas ya, so waswe nao yufala no kam fo tekem from mifala bifoa?

Pijin Deuterocanon

²⁶ Mifala onam finis tufala ples long Hesbon an Aroa, wetem olketa vilij wea i stap raonem tufala, an wetem evri taon wea i stap long saet blong Anon Riva fo 300 yia nao. ?Hemi barava longtaem tumas ya, so waswe nao yufala no kam fo tekem from mifala bifoa?

Jajis 11:26 ပူးပေါင်းရင်းမြစ်များ

Jeremaea 48:19

“Yufala pipol blong taon long Aroa. Yufala go stanap long rod, an weit nomoa. Olketa hu i gohed fo ranawe, yufala mas askem olketa olsem, ‘!Ei! ?Wanem nao hemi kasem yufala?’

Aposol 13:19

Hemi spoelem finis sevenfala laen long pipol wea olketa stap long kantri long Kenan an hemi givim graon ya long olketa pipol blong Israel.

Diutronomi 2:24

Mosis hemi tok moa olsem, “Long datfala taem Yawe hemi sei, ‘Distaem yufala mas go akros long Anon Riva. Mi putum Sihon, Paramaon Sif long laen blong Amoa long Hesbon, long han blong yufala, hem wetem evri lan blong olketa. Yufala mas go faetem hem, an stat fo tekova long lan blong olketa.

Diutronomi 2:36

Long taem ya, Yawe hemi helpem yumi fo tekova long evri taon blong olketa, stat long Aroa long saet long Anon Riva, an taon long flat ples kolsap long riva ya, go-go kasem ples long Gilead long not. No eni taon hemi garem wolston wea hemi hae tumas o strong tumas, mekem yumi no save winim.

Diutronomi 3:2

Bat Yawe hemi tok olsem long mi, ‘Mosis, yu no fraetem Sif ya. Hem wetem evri soldia blong hem an olketa lan blong hem, bae mi putum olketa evriwan long han blong yufala. Bae yufala save kilim hem long sem wei wea yufala duim long Sihon Paramaon Sif long laen blong Amoa long Hesbon.’

Diutronomi 3:6

Long taem ya, yumi bin spoelem finis olketa taon an vilij blong olketa, an yumi bin kilim dae olketa man an woman an pikinini blong olketa, barava olsem wea yumi duim fastaem long olketa taon blong Paramaon Sif Sihon long Hesbon.

Josua 12:2

Wanfala long tufala paramaon sif ya nao Sif Sihon. Hemi paramaon sif long laen blong Amoa long taon long Hesbon. Sif Sihon hemi rul ovarem saot haf long eria long Gilead. Spialaen blong eria blong hem long saot hemi disfala Anon Riva. Spialaen blong hem long ist hemi stat long taon long Aroa long ist long Anon vali an go kasem disfala Jabok riva, an hemi makemaot eria blong laen blong Amon long ist. Spialaen blong hem long not hemi disfala Jabok Riva an vali long Jodan riva tu.

Josua 12:5

Eria blong hem hemi stat long maonten long Hemon long not, go-go kasem taon long Saleka long ist. Hemi rul ovarem tu evri lan long Basan, nao lan long Basan long saet long west, hemi kasem spialaen blong eria long Gesua an Maaka. An hemi rul ovarem wanfala haf long eria long Gilead long not go-go kasem eria blong Sif Sihon blong Hesbon long saot.

Josua 13:10

Saet blong lan ya long ist hemi go kasem spialaen long lan blong olketa pipol blong Amon. An long not saet, hemi kasem evri taon wea Paramaon Sif Sihon long laen blong Amoa hemi rul ovarem, wetem taon long Hesbon.

Josua 13:16

Eria blong olketa hemi stat long taon long Aroa long saot, saet kam long Anon vali go-go kasem taon long midol long vali an hemi go kasem evri bikfala flat ples raonem taon long Medeba.

Josua 13:17

Plande taon nao hemi stap long flat ples ya. Olketa taon ya nao Hesbon, an Dibon, an Bamot-Baal, an Betbalmeon,

Josua 23:1

Longfala taem bihaen, Yawe hemi mekem olketa enemi wea i stap raonem olketa traeb blong Israel fo stap kuaet nomoa. Long datfala taem tu, Josua hemi kamap barava olo fogud nao.

Jajis 10:8

Olketa ya i barava spoelem pipol blong Israel wea i stap long Gilead long eria blong laen blong Amoa long ist saet go long Jodan Riva fo eitinfala yia.

Jajis 3:11

So lan blong pipol blong Israel i stap long piis fo foti yia go kasem taem wea Otniel hemi dae.

Jajis 3:30

Long datfala taem hem nao wei wea pipol blong Israel i winim laen blong Moab. So lan blong pipol blong Israel i stap long piis fo eiti yia.

Jajis 5:31

“Lod Yawe, letem olketa enemi blong yu i dae long sem wei wea Sisera hemi dae. Bat letem evriwan hu i lavem yu i saen olsem san wea hemi kamap long moning.” So lan blong Israel hemi stap long piis fo foti yia.

Jajis 8:28

Hem nao wei wea pipol blong Israel i winim laen blong Midian an mekem olketa barava wikdaon. Nao long foti yia, lan blong olketa hemi stap long piis nomoa go-go kasem taem wea Gidion hemi dae.

Jajis 9:22

Sif Abimelek hemi wanfala sif long pipol blong Israel fo trifala yia long ples wea hemi stap long hem.