Hosia 7:15 - Pijin Bible

¹⁵ Nomata mi nao mi gohed fo lukaftarem olketa, an tisim olketa, an mekem olketa strong, bat oltaem olketa plan nomoa fo agensim mi.

Pijin Deuterocanon

¹⁵ Nomata mi nao mi gohed fo lukaftarem olketa, an tisim olketa, an mekem olketa strong, bat oltaem olketa plan nomoa fo agensim mi.

Hosia 7:15 ပူးပေါင်းရင်းမြစ်များ

2 Kings 13:23

Bat Yawe hemi kaen an hemi sore long olketa, so hemi no letem ami blong Siria fo kam barava spoelem olketa finis. Oltaem hemi helpem olketa bikos hemi bin mekem spesol agrimen wetem Ebraham, an Aesak, an Jekob bifoa. An hemi no raosim olketa, mekem olketa stap farawe long hem.

2 Kings 13:5

So Yawe hemi givim wanfala lida long olketa fo sevem olketa from paoa blong olketa blong Siria. Go-go olketa stapgud long olketa ples blong olketa moa olsem bifoa.

Stori abaotem Job 5:17

Man wea God hemi stretem laef blong hem, hemi save hapi. So taem God hu hemi garem evri paoa hemi stretem yu, yu mas no les long hem.

Sams 140:2

Oltaem, olketa planem nomoa olketa ravis samting, an olketa toktok blong olketa ya tu hemi oltaem statem olketa raoa.

Sams 2:1

?Waswe nao olketa long olketa narafala kantri i kros tumas? ?Waswe nao olketa pipol ya i planem enikaen krangge samting?

Sams 62:3

Mi no strong ya, mi olsem haos wea hemi roten finis an hemi kolsap foldaon nao. ?Fo hao long nao bae yufala evriwan i gohed fo faetem mi?

Sams 94:12

Lod Yawe, man wea yu givim strongfala toktok blong yu long hem, an yu tisim hem long olketa gudfala tising blong yu, hem nao hemi hapi.

Provebs 3:11

San blong mi, yu no les long strongfala toktok blong Yawe, yu no taet long wei wea hemi stretem yu.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Hosia 13:9

“Olketa blong Israel. Nomata mi nao save helpem yufala, bat yufala gohed nomoa fo agensim mi. Dastawe nao, bae mi spoelem yufala finis.

Neiham 1:9

Eniwan hu hemi mekem enikaen ravis plan fo agensim Yawe, bae Yawe hemi spoelem hem. No eniwan save agensim Yawe long mektu taem.

Aposol 4:25

Yu nao bin mekem Holi Spirit fo talemaot toktok blong yu long olo blong mifala Deved hu hemi wakaman blong yu. Hemi tok olsem, ‘?Waswe nao olketa hu i no Jiu olketa kros tumas? ?Waswe nao olketa pipol ya i planem enikaen krangge samting?

Leta wea Pol hemi raetem go long sios long Rom 1:21

Bat nomata olketa save finis long God, olketa nating mekhae long hem olsem God, an olketa nating toktengkiu long hem. !Nomoa ya! No eni gud samting nao hemi stap insaet long tingting blong olketa, an maen blong olketa hemi barava tudak.

2 Korin 10:5

So mifala save spoelem enikaen tingting wea hemi no tru. An mifala save brekemdaon enikaen praod tingting wea i agensim disfala tru save abaotem God. An hemi olsem mifala kasholem evri tingting blong pipol, an helpem olketa fo falom tingting blong Kraes.

Hibrus 12:5

?An waswe, yufala fogetem disfala toktok wea God hemi talemaot fo mekem yufala gohed strong? Hemi tok long yufala olsem olketa pikinini blong hem, an hemi sei, “San blong mi, yu no les long strongfala toktok blong Masta, an taem hemi stretem yu, yu no letem tingting blong yu fo wikdaon.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.