Hibrus 9:1 - Pijin Bible

¹ Taem God hemi givim Mosis disfala fas spesol agrimen ya, hemi talemaot olketa rul fo wei wea olketa mas wosipim God. An hemi talem olketa tu fo wakem wanfala tambuples, wea hemi stap long disfala wol nomoa.

Pijin Deuterocanon

¹ Taem God hemi givim Mosis disfala fas spesol agrimen ya, hemi talemaot olketa rul fo wei wea olketa mas wosipim God. An hemi talem olketa tu fo wakem wanfala tambuples, wea hemi stap long disfala wol nomoa.

Hibrus 9:1 ပူးပေါင်းရင်းမြစ်များ

Eksodas 25:8

“Bae yu talem olketa pipol fo wakem wanfala tambu ples fo mi, an bae mi stap long midol long olketa.

Esikiel 43:11

Sapos olketa filsem long evri ravis wei blong olketa, bae yu tokabaotem olketa plan blong Tambuhaos ya long olketa. Yu mas talemaot plan long hem, an olketa geit an doa fo kam insaet, an olketa geit an doa fo go aotsaet, an saes blong hem, an olketa ples fo putum olketa samting long hem. An yu mas talemaot tu olketa lo an rul blong hem. Yu mas raetemdaon evrisamting ya, mekem olketa save lukim ples wea olketa samting i stap long hem, mekem olketa save falom evri rul blong hem.

Levitikas 18:30

“Nao yufala mas obeim disfala toktok fo no falom olketa ravis wei blong olketa wea i stap fastaem long lan wea bae yufala go stap long hem. Yufala mas no duim olketa samting ya wea hemi mekem yufala fo no klin long ae blong mi, bikos mi nao Yawe, God blong yufala.”

Levitikas 22:9

“Olketa prist mas obeim wanem mi talem olketa fo duim, nogud olketa spoelem tambu ya, an olketa mas panis mekem olketa dae. Mi nao Yawe, mi nao mi mekem olketa holi.

Nambas 9:12

An olketa mas no letem eni haf kaikai fo stap go kasem neks moning, an olketa mas no brekem bon blong animol wea olketa kaikaim. Taem olketa mekem Fist blong Pasova, bae olketa mas falom evri rul blong hem.

Gudnius abaotem Jisas Kraes wea Luk hemi raetem 1:6

Wei blong tufala ya hemi barava stret long ae blong God, bikos tufala barava falom nao evri lo an rul blong hem.

Leta wea Pol hemi raetem go long sios long Rom 9:4

Olketa nao God hemi siusim olketa, an hemi adoptem olketa olsem pikinini blong hem, an olketa tu bin lukim saen blong bikfala paoa blong hem. God hemi mekem olketa spesol agrimen blong hem wetem olketa, an hemi givim Lo long olketa. An olketa nao save long gudfala wei fo prea, an olketa bin herem olketa promis blong God.

Kolosi 2:8

An yufala mas lukaot gud, nogud eniwan hemi kam an trikim yufala long ravis stori ya wea hemi barava tingting blong man nomoa. Olketa toktok olsem, olketa no kamaot long Kraes ya, bat olketa kamaot nomoa long olketa stori blong olketa olo an long olketa enikaen paoa long wol.

Hibrus 8:13

Taem God hemi sei disfala spesol agrimen ya hemi niufala, hemi minim wea disfala spesol agrimen wea hemi mekem fastaem ya, hemi olo finis nao. An enisamting wea hemi olo finis olsem, no longtaem bae hemi lus nao.

Hibrus 8:2

Hemi waka olsem Haeprist long tambuples ya wea hemi insaet long disfala barava Tambu Haostent long heven wea pipol no wakem, bat God seleva nao hemi wakem.

Hibrus 8:7

Sapos no enisamting hemi rong long disfala olfala spesol agrimen, bae olketa no nidim eni niufala spesol agrimen moa fo sensim faswan.

Hibrus 9:24

Nao Kraes hemi no go insaet long wanfala tambuples wea olketa pipol nao i wakem, an wea hemi piksa nomoa blong disfala barava tru tambuples ya. Bat hemi barava go insaet long heven finis, an hemi stap wetem God distaem fo helpem yumi.