Hibrus 12:27 - Pijin Bible

²⁷ Disfala toktok wea hemi sei “wanfala taem moa” hemi somaot dat God bae hemi sekem olketa samting wea hemi bin mekem, an bae hemi tekemaot olketa finis. An olketa samting wea i no save seksek, bae olketa nomoa i stap olowe.

Pijin Deuterocanon

²⁷ Disfala toktok wea hemi sei “wanfala taem moa” hemi somaot dat God bae hemi sekem olketa samting wea hemi bin mekem, an bae hemi tekemaot olketa finis. An olketa samting wea i no save seksek, bae olketa nomoa i stap olowe.

Hibrus 12:27 ပူးပေါင်းရင်းမြစ်များ

Aesaea 34:4

Evrisamting wea hemi stap long skae bae hemi lus finis, an skae bae hemi kamap olsem wanfala pis pepa wea olketa rolemap. An olketa sta bae i foldaon kam olsem olketa drae lif blong grep o fig tri.

Aesaea 54:10

Nomata olketa maonten an olketa hil i smas olsem asis, bat wei wea mi tinghevi long yufala olowe hemi no save finis. Promis ya wea mi bin mekem long yufala fo yufala stap gudfala long piis, bae mi gohed fo kipim evritaem olowe nao.” Hem nao toktok blong Yawe hu hemi garem sore fo yufala.

Aesaea 65:17

Yawe hemi tok moa olsem, “Bae mi mekem niu skae an niu graon. Evrisamting wea hemi hapen bifoa, bae pipol i fogetem finis nao.

Aesaea 66:22

“So, olsem disfala niu skae an niu graon wea bae mi mekem long paoa blong mi, hemi stap gudfala olowe. Long sem wei, yufala wetem olketa wea bae i bon kam bihaen long yufala, bae yufala i stap gudfala olowe tu.

Esikiel 21:27

!Brekemdaon! !Brekemdaon! !Bae mi brekemdaon finis disfala taon! Bat bae hemi no hapen go-go kasem taem wea disfala man wea mi siusim fo panisim taon ya, hemi kam. Long datfala taem nao, bae mi putum taon ya andanit long paoa blong hem.”

Hagae 2:21

long Serababel, gavna blong Jiuda. Hemi tok olsem, ?Bae mi mekem heven an disfala wol fo seksek.

Matiu 24:35

Skae wetem disfala wol bae tufala finis nomoa, bat toktok blong mi bae hemi nating save finis.”

Leta wea Pol hemi raetem go long sios long Rom 8:19

Evrisamting God hemi mekem, olketa gohed weit nomoa fo taem wea God bae hemi somaot hu nao olketa pikinini blong hem.

Leta wea Pol hemi raetem go long sios long Rom 8:21

long wanfala taem bihaen, bae hemi mekem evrisamting long disfala wol fo stap fri from paoa wea hemi gohed fo spoelem evrisamting ya. An bae evrisamting ya i kasem nambawan laef long heven, olsem yumi olketa pikinini blong God bae kasem.

1 Korin 7:31

An olketa hu i garem olketa gudfala samting long disfala wol, olketa mas stap olsem olketa no garem nomoa olketa samting ya. Bikos disfala wol wea yumi lukim distaem ya, hemi kolsap kasem en blong hem nao ya.

Hibrus 1:10

An God hemi talem hem olsem moa, “O Lod. Long stat blong evrisamting, yu nao bin mekem disfala wol, an yu seleva nao bin mekem skae.

Hibrus 13:14

Long disfala wol ya, no eni taon nao bae hemi gohed fo stap oltaem, mekem yumi save stap long hem. Bat yumi weitem disfala taon wea bae hemi kam yet.

Hibrus 9:11

Bat Kraes hemi kam finis, wea hem nao disfala Haeprist ovarem olketa gudfala samting wea olketa stap finis. Hemi go insaet finis long disfala Tambu Haostent wea hemi gudfala moa winim disfala haostent blong bifoa. I no pipol nao hu i wakem disfala haostent, an hemi no samting blong disfala wol tu.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Revelesin 21:1

Den mi lukim moa wanfala niu wol wetem niu skae, bat no eni si long hem. An disfala wol wetem skae wea hemi stap fastaem, tufala barava nomoa nao.

Revelesin 21:4

An bae hemi draem evri tias from ae blong olketa. An no eni pipol save dae moa, an no enitaem nao olketa save sore o krae o filpein moa. Bikos evrisamting blong bifoa, hemi nomoa nao.”

Revelesin 21:5

Nao God hu hemi sidaon long tron, hemi tok olsem, “Yu save, mi gohed fo mekem evrisamting kamap niufala moa.” An hemi tok olsem moa, “Yu raetemdaon olketa toktok ya, bikos olketa truwan ya, an evriwan save trastem.”