Hibrus 12:26 - Pijin Bible

²⁶ Long bifoa ya, voes blong hem hemi mekem graon ya fo seksek. Bat long disfala taem, hemi promisim yumi finis wea hemi sei, “Wanfala taem moa bae mi sekem disfala graon, an bae mi sekem skae ya tu long semtaem.”

Pijin Deuterocanon

²⁶ Long bifoa ya, voes blong hem hemi mekem graon ya fo seksek. Bat long disfala taem, hemi promisim yumi finis wea hemi sei, “Wanfala taem moa bae mi sekem disfala graon, an bae mi sekem skae ya tu long semtaem.”

Hibrus 12:26 ပူးပေါင်းရင်းမြစ်များ

Eksodas 19:18

Yawe hemi kamdaon insaet long bikfala faea wea hemi laet raonem hem, antap long maonten ya, an bikfala smok hemi kavaremap nao. Smok ya hemi gohed fo goap olsem smok blong wanfala barava bikfala faea, an maonten ya hemi seksek fogud.

Aesaea 13:13

Mi Yawe hu mi garem evri paoa nao mi kros tumas, an bae mi som paoa blong mi. Long datfala taem, bae mi mekem skae fo seksek, an graon fo muv from ples blong hem.

Aesaea 2:19

Taem Yawe hu hemi King an hu hemi garem evri paoa hemi kros an hemi somaot paoa blong hem, olketa pipol i fraet fogud long hem an olketa ranawe go long kev o digim hol long graon fo haed insaet long hem.

Aesaea 66:22

“So, olsem disfala niu skae an niu graon wea bae mi mekem long paoa blong mi, hemi stap gudfala olowe. Long sem wei, yufala wetem olketa wea bae i bon kam bihaen long yufala, bae yufala i stap gudfala olowe tu.

Joel 3:16

Bae Yawe hemi stap long tambu maonten long Saeon long Jerusalem. Hemi singaot bikfala kam, an voes blong hem hemi olsem voes blong laeon. Ya, voes blong hem hemi kamaot bikfala tumas olsem tanda, nao graon an skae hemi seksek fogud. Bat hemi gohed fo lukaftarem gudfala olketa pipol blong Israel. An hem nao hemi sefples blong olketa pipol blong hem.

Habakuk 3:10

Taem olketa maonten bin lukim yu, olketa seksek fogud. Long datfala taem, bikfala ren bin kamdaon, an dipsi bin meknoes tumas, an bikfala wev bin kamap hae.

Hagae 2:21

long Serababel, gavna blong Jiuda. Hemi tok olsem, ?Bae mi mekem heven an disfala wol fo seksek.

Hagae 2:22

Olketa kantri wea i garem king, bae mi spoelem olketa, an bae mi finisim paoa blong olketa. Olketa kaat fo faet blong olketa, an olketa soldia wea i raed long olketa kaat ya, bae mi kilim olketa dae. Olketa hos blong olketa bae dae, an olketa soldia wea i raed long olketa hos ya bae olketa ki-kilim dae olketa wantok long ami nomoa.

Hibrus 12:27

Disfala toktok wea hemi sei “wanfala taem moa” hemi somaot dat God bae hemi sekem olketa samting wea hemi bin mekem, an bae hemi tekemaot olketa finis. An olketa samting wea i no save seksek, bae olketa nomoa i stap olowe.

Jajis 5:4

Lod Yawe, taem yu bin somaot paoa blong yu long Seia long lan blong Idom, bikfala ren hemi foldaon kam from olketa klaod long skae an graon hemi seksek tumas.