Hibrus 11:35 - Pijin Bible

³⁵ An olketa woman i biliv long God, an dastawe olketa long famili blong olketa hu i dae finis, olketa i laefbaek moa. Bat samfala nara pipol hu i biliv long God, olketa enemi blong olketa nao i barava hitim olketa go-go olketa dae. Olketa no laek fo helpem olketa enemi, mekem olketa save letem olketa fo go fri, bikos olketa laek fo kasem laef wea hemi gudfala moa.

Pijin Deuterocanon

³⁵ An olketa woman i biliv long God, an dastawe olketa long famili blong olketa hu i dae finis, olketa i laefbaek moa. Bat samfala nara pipol hu i biliv long God, olketa enemi blong olketa nao i barava hitim olketa go-go olketa dae. Olketa no laek fo helpem olketa enemi, mekem olketa save letem olketa fo go fri, bikos olketa laek fo kasem laef wea hemi gudfala moa.

Hibrus 11:35 ပူးပေါင်းရင်းမြစ်များ

Matiu 22:30

Long taem wea evriwan i laefbaek moa, bae olketa man an woman olketa no save marit moa ya. Bat bae olketa stap nomoa olsem olketa enjel long heven.

Gudnius abaotem Jisas Kraes wea Mak hemi raetem 12:25

Long taem wea evriwan olketa laefbaek moa, bae olketa man an woman olketa no save marit moa. Bat bae olketa stap nomoa olsem olketa enjel long heven.

Gudnius abaotem Jisas Kraes wea Luk hemi raetem 14:14

Olketa ya nao i no save sensimbaek disfala fist wea yu mekem fo olketa. So sapos yu duim olsem, yu save hapi nao ya, bikos God nao bae hemi sensimbaek long yu long taem wea bae olketa stretfala pipol olketa laefbaek moa.”

Gudnius abaotem Jisas Kraes wea Luk hemi raetem 20:36

An bae olketa no save dae tu, bat bae olketa stap olsem olketa enjel nomoa. God nao hemi bin mekem olketa laefbaek finis, an from diswan nao olketa save stap olsem olketa pikinini blong hem.

Gudnius abaotem Jisas Kraes wea Jon hemi raetem 5:29

an bae olketa kamaot from olketa grev. Olketa hu i duim olketa gudfala samting bifoa, bae olketa laef olowe, bat olketa hu i duim olketa ravis samting, bae olketa panisim olketa olowe nao.”

Aposol 22:29

Taem ya nomoa, olketa hu i redi fo kuestinim Pol olketa lusim ples ya nao. An kapten ya hemi fraet nao, bikos hemi bin taemapem Pol wetem sen nomata hemi barava man blong Rom.

Aposol 23:6

Nao Pol hemi luksave dat wanfala haf long Kansol olketa Sadiusi, an nara haf olketa Farasi. So hemi tok bikfala long olketa olsem, “Olketa wantok blong Israel, mi ya mi wanfala Farasi, an olketa olo blong mi tu olketa Farasi ya. An mi barava biliv wea bae God hemi mekem olketa hu i dae finis fo olketa laefbaek moa. !An bikos long diswan nao yufala kotem mi distaem!”

Aposol 24:15

Mi trastem God olsem olketa bikman seleva ya olketa save duim. Mi biliv wea evri pipol, nomata olketa gud o olketa nogud, bae olketa mas laefbaek moa from dae.

Aposol 4:19

Bat Pita an Jon tufala ansarem olketa olsem, “Yufala mas tingting gudfala. ?Sapos mitufala fogetem toktok blong God an obeim yufala, waswe, yufala tingse hemi stret long ae blong God o nomoa?

Aposol 9:41

Pita hemi holem han blong hem an helpem hem fo stanap. Bihaen, hemi kolem kam olketa wido woman ya wetem olketa nara pipol blong God moa, an hemi letem olketa fo lukim Tabita wea hemi laefbaek moa.

1 Korin 15:54

An long taem wea diswan hemi hapen finis, bae disfala toktok long Buktambu hemi kamtru nao, “!Dae ya, God hemi barava spoelem hem nao, an hemi winim hem finis!”

Filipae 3:11

Long wei ya nao mi trastem God bae hemi mekem mi laefbaek moa from dae.