Hibrus 11:14 - Pijin Bible

¹⁴ Pipol hu i toktok olsem ya, olketa somaot klia dat olketa laek fo kasem tru kantri blong olketa ya.

Pijin Deuterocanon

¹⁴ Pipol hu i toktok olsem ya, olketa somaot klia dat olketa laek fo kasem tru kantri blong olketa ya.

Hibrus 11:14 ပူးပေါင်းရင်းမြစ်များ

Eksodas 2:22

Sipora hemi bonem wanfala pikinini boe blong tufala. Mosis hemi tingting olsem, “Mi wanfala strensa nomoa long disfala ples.” Hem nao hemi kolem pikinini ya Gesom.

2 Korin 4:18

So mifala no tingabaotem wanem yumi save lukim long ae, bat wanem yumi no save lukim yet. Olketa samting wea yumi save lukim long ae, hemi no save stap longtaem. Bat wanem yumi no save lukim, hem nao bae hemi stap olowe.

Filipae 1:23

Mi barava stap long midol long tufala gudfala samting nao. Mi laekem tumas fo lusim laef an go stap wetem Kraes, bikos hem nao hemi barava nambawan samting.

Hibrus 11:13

Olketa pipol olsem ya, olketa gohed nomoa fo biliv long God, go-go kasem taem olketa dae. Bat taem olketa stap yet long wol, olketa no tekem nomoa olketa samting wea God hemi promis fo givim long olketa. Hemi olsem wea olketa stap farawe nomoa an lukluk go, an olketa i hapi fo luksave long samting wea bae hemi hapen. An olketa talemaot dat olketa stap long wol ya olsem olketa strensa hu i kam fo visit nomoa.

Hibrus 11:15

Sapos olketa tingimbaek nomoa disfala ples wea olketa lusim fastaem ya, hemi isi nomoa fo olketa gobaek long ples ya.

Hibrus 11:16

Bat wanem olketa laekem tumas nao hemi fo stap long wanfala kantri wea hemi gudfala moa, an heven nao hemi disfala kantri ya. Dastawe nao God hemi no filsem taem pipol kolem hem God blong olketa. Bikos hem nao hemi mekredi finis long wanfala bikfala taon fo olketa.

Hibrus 13:14

Long disfala wol ya, no eni taon nao bae hemi gohed fo stap oltaem, mekem yumi save stap long hem. Bat yumi weitem disfala taon wea bae hemi kam yet.