Hagae 1:2 - Pijin Bible

² Yawe hu hemi garem evri paoa, hemi tok olsem, ?Olketa pipol ya i talem dat hemi no taem yet fo bildimbaek moa Tambuhaos blong mi.?

Pijin Deuterocanon

² Yawe hu hemi garem evri paoa, hemi tok olsem, ?Olketa pipol ya i talem dat hemi no taem yet fo bildimbaek moa Tambuhaos blong mi.?

Hagae 1:2 ပူးပေါင်းရင်းမြစ်များ

2 Kings 12:7

So king hemi kolem kam Prist Jehoeada an olketa narafala prist, an hemi tok long olketa olsem, “?Waswe nao yufala no fiksimap Tambuhaos? Stat distaem, yufala mas no tekem moa seleni from olketa hu i lukaftarem seleni ya. Datfala seleni, yufala mas yusim nomoa fo fiksimap Tambuhaos.”

Esra 4:23

Taem man hu hemi tekem kam disfala leta from King Atasekses, hemi ridimaot go long Rehum an Simsae, wetem olketa man hu i waka wetem tufala, kuiktaem nomoa olketa go long Jerusalem, an fosim olketa Jiu fo stopem waka ya.

Nehemaea 4:10

Taem olketa blong Jiuda gohed fo waka, tingting blong olketa hemi stat fo wikdaon, olketa singim wanfala krae singsing wea toktok blong hem hemi olsem, “Ravis from olfala wolston hemi plande, an hem finisim strong blong yumi. Waka long niufala wolston hemi plande tu, maet yumi no save finisim.”

Provebs 22:13

Lesibon hemi sei, “Wanfala laeon hemi stap aotsaet. Bae hemi kilim mi dae.”

Provebs 29:25

Fraetem man, bae yu trabol. Trastem Yawe, bae yu sef.

Eklesiastes 11:4

Sapos yu wari long win, bae yu no save plantem gaden blong yu. An sapos yu wari long olketa klaod blong ren, bae yu no tekemaot kaikai long gaden.

Eklesiastes 3:3

Taem hemi stap fo man kilim man dae, an taem hemi stap fo hilim man hu i garekil. Taem hemi stap fo man brekemdaon samting, an taem hemi stap fo wakembaek samting.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Hagae 1:1

Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Hagae 1:3

Yawe hemi talem Profet Hagae fo go talemaot Mesij blong hem olsem,

Nambas 13:31

Bat olketa narafala man hu i bin go wetem hem i tok olsem, “!Nomoa! !Yumi no fit fo go kilim olketa! !Olketa pipol ya i strong winim yumi!”