Galesia 6:6 - Pijin Bible

⁶ Eniwan hu hemi lane abaotem toktok blong God, hemi mas searem olketa gud samting hemi garem wetem tisa blong hem.

Pijin Deuterocanon

⁶ Eniwan hu hemi lane abaotem toktok blong God, hemi mas searem olketa gud samting hemi garem wetem tisa blong hem.

Galesia 6:6 ပူးပေါင်းရင်းမြစ်များ

Nehemaea 10:36

“Mifala promis fo tekem kam long olketa prist hu i waka long Tambuhaos blong God, olketa fasbon pikinini boe blong mifala, an olketa fasbon blong olketa buluka, an blong olketa sipsip, an blong olketa nanigot blong mifala, fo mektambu long olketa, barava olsem buk blong Lo hemi talem.

Nambas 18:31

Olketa samting ya i olsem pei blong yufala long waka wea yufala duim long Tambu Haostent. Yufala wetem famili blong yufala nao i save kaikaim long eni ples nomoa.

Matiu 10:10

an yufala mas no tekem eni basket o sandol o wokingstik wetem yufala long rod. An yufala tekem nomoa wanfala kaleko. Bikos man hu hemi waka, hemi fitim fo olketa lukaotem hem ya.

Gudnius abaotem Jisas Kraes wea Luk hemi raetem 1:4

mekem yu save dat evrisamting wea yu bin lanem ya hemi barava truwan ya.

Leta wea Pol hemi raetem go long sios long Rom 15:27

Olketa seleva nao duim diswan bikos olketa garem kaon long olketa long Jerusalem. Bikos olketa Jiu i givim go fastaem long olketa, olketa gudfala samting blong Spirit long Gudnius. Dastawe nao olketa hu i no Jiu olketa givim go olketa gudfala samting blong wol.

Diutronomi 12:19

An taem yufala stap long lan ya, bae yufala mas barava lukaftarem olketa long traeb blong Livae.

2 Timoti 4:2

yu mas gohed fo talemaot toktok blong God olowe, nomata long taem wea pipol no wande lisin long yu. Yu mas traehad fo helpem pipol fo luksave long tru toktok, an yu mas stretem wei blong olketa an helpem olketa fo gohed strong moa. An yu mas kaen long evriwan taem yu tisim olketa gudfala.