Galesia 6:13 - Pijin Bible

¹³ Nomata olketa man hu i kate finis olsem, olketa seleva no obeim Lo ya. Bat olketa laekem nomoa fo yufala kate, mekem olketa save tokpraod abaotem wei wea olketa mekem yufala fo falom Lo ya.

Pijin Deuterocanon

¹³ Nomata olketa man hu i kate finis olsem, olketa seleva no obeim Lo ya. Bat olketa laekem nomoa fo yufala kate, mekem olketa save tokpraod abaotem wei wea olketa mekem yufala fo falom Lo ya.

Galesia 6:13 ပူးပေါင်းရင်းမြစ်များ

Matiu 23:15

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala save hadwaka tumas fo goraon long evri ples long solwata an long bus, mekem yufala save faendem wanfala man moa wea hemi laek fo kamap Jiu. An taem man ya hemi kamap Jiu finis, yufala save mekem hem barava fitim fo go long hel nao olsem yufala, an bae hemi barava nogud moa winim yufala ya.

Matiu 23:23

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala save givim go long God wan-tent long olketa smolfala kaen samting fo suitim kaikai wea yufala save tekem long gaden. Bat yufala nating wari nomoa fo obeim olketa bikfala tising blong Lo, olsem fo mekem evrisamting stret fo olketa pipol, an fo sore an kaen long olketa, an fo kipim promis olowe. Olketa smolfala samting ya yufala mas duim, bat yufala mas no fogetem tu olketa bikfala samting ya moa.

Matiu 23:3

So evrisamting wea olketa talem, yufala mas obeim an falom. Bat wei blong olketa nao yufala mas no falom. Olketa save tisim plande rul long olketa pipol, bat olketa seleva i nating falom nomoa.

Gudnius abaotem Jisas Kraes wea Luk hemi raetem 5:38

So yumi mas fulumapem niufala waen insaet long olketa niufala skin.

1 Korin 3:21

So dastawe hemi no fitim fo yufala haemapem eni man moa. Bat evrisamting hemi blong yufala.

1 Korin 5:6

Hemi nating stret nomoa fo yufala praod ya. Yufala save finis long toktok wea hemi sei, “Lelebet yist long flaoa nomoa hemi naf fo mekem evri bred i kamap bikfala.”

2 Korin 11:18

Bikos plande pipol tokpraod nomoa falom tingting blong wol, mi save tokpraod olsem tu.

Filipae 3:3

Bat yufala save dat yumi nao yumi falom wei blong barava kate. Yumi wea Spirit blong God hemi helpem yumi fo wosipim hem, an yumi praod fo stap joen wetem Jisas Kraes, yumi nating trastem enisamting olsem kate wea man save duim long bodi.

2 Pita 2:19

Olketa laea tisa promisim olketa pipol dat bae olketa save fri. Bat olketa seleva ya i nating fri nomoa. Olketa i slev nao long wei wea olketa save spoelem olketa seleva long hem. Yu save, taem samting hemi winim man, man ya hemi slev nao long disfala samting.