Galesia 5:10 - Pijin Bible

¹⁰ Bat bikos yumi stap joen wetem Masta, mi barava save dat bae yufala falom nomoa tingting blong mi ya. An nomata hu nao disfala man hu hemi trae fo spoelem tingting blong yufala, bae God hemi panisim hem.

Pijin Deuterocanon

¹⁰ Bat bikos yumi stap joen wetem Masta, mi barava save dat bae yufala falom nomoa tingting blong mi ya. An nomata hu nao disfala man hu hemi trae fo spoelem tingting blong yufala, bae God hemi panisim hem.

Galesia 5:10 ပူးပေါင်းရင်းမြစ်များ

Aposol 15:24

Mifala bin herem finis wea samfala long seksin blong mifala, olketa bin kasem yufala an mekem trabol an mekem tingting blong yufala barava filnogud tumas long wanem olketa talem. Bat mifala no bin talem olketa fo duim olsem.

1 Korin 5:5

An bae yumi mas givim go disfala man long han blong Seitan fo hemi spoelem bodi blong hem. Long wei ya, bae God nao hemi save sevem spirit blong hem long disfala De blong Masta.

2 Korin 1:15

Mi biliv strong long diswan, dastawe nao mi bin tingim fo go lukim yufala fastaem, mekem yufala save hapi bikos bae mi visitim yufala tufala taem.

2 Korin 10:2

an long sem wei, mi askem strong long yufala olsem, yufala mas no mekem mi fo raf long yufala taem mi kam kasem yufala. Bat bae mi raf long olketa hu i sei mifala duim nomoa olketa samting falom tingting blong wol.

2 Korin 10:6

An taem yufala somaot dat yufala barava obeim hem, bae mifala redi fo panisim eniwan hu hemi no laek fo obei.

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

2 Korin 2:3

Dastawe mi raetem nara leta ya long yufala, bikos mi no wande lukim yufala long datfala taem. Nogud yufala hu i save mekem mi hapi, bae yufala mekem mi filnogud. Mi biliv dat sapos mi hapi, bae yufala evriwan hapi tu.

2 Korin 2:6

Hemi naf nao bikos plande long yufala panisim hem finis.

2 Korin 5:16

So distaem, mifala no jajem eniwan falom wei blong man long wol. Long bifoa, mifala bin jajem Kraes falom wei blong man, bat distaem mifala no duim olsem moa.

2 Korin 7:16

!Mi hapi tumas bikos mi barava save trastem yufala!

2 Korin 8:22

An mifala sendem go moa nara brata blong mifala wetem tufala ya. Plande taem mifala bin testem hem, an mifala save finis dat hemi wiling tumas fo duim enikaen waka nomoa. An distaem hemi barava wiling tumas fo duim disfala waka bikos hemi trastem yufala tumas.

Galesia 1:7

Bat no eni deferen gudnius hemi barava stap ya. Samfala pipol nomoa olketa spoelem tingting blong yufala taem olketa laek fo sensim olobaot Gudnius blong Kraes.

Galesia 2:4

Samfala nara pipol nomoa hu i laea an sei olketa i Kristin, olketa nao laek fo fosim hem. Olketa joenem yumi fo faendemaot nomoa hao nao yumi save stap fri wea yumi joen finis wetem Jisas Kraes. Olketa laek fo mekem yumi fo stap olsem olketa slev blong Lo moa.

Galesia 2:6

Mi no wari long watkaen bikman nao hemi lida long sios, an God hemi no save fevarem eniwan. Bat olketa lida long sios hu olketa pipol save tinghae long olketa tumas, olketa no talem mi fo duim enisamting deferen moa.

Galesia 3:1

!Yufala krangge pipol long Galesia! Yufala i bin heremsave finis disfala toktok abaotem hao Jisas Kraes hemi dae antap long kros ya. ?So hu nao hemi poesenem tingting blong yufala distaem?

Galesia 4:11

Mi wari long yufala ya, nogud mi bin hadwaka nating nomoa long yufala.

Galesia 4:17

Samfala pipol olketa traehad tumas fo frengud wetem yufala ya, bat hemi no fo eni gudfala samting nomoa ya. Olketa laek fo mekem yufala lusim mi nomoa, mekem yufala save frengud wetem olketa.

Galesia 4:20

Mi laekem tumas fo stap wetem yufala distaem nao, mekem mi save sensim wei blong mi fo tok long yufala lelebet, bikos mi wari tumas long yufala.

Galesia 5:12

Olketa pipol hu i trae fo spoelem tingting blong yufala olsem ya, mi laek fo olketa no stop long kate nomoa, bat fo olketa gohed fo katemaot olketa seleva finis nao.

Galesia 5:7

Long bifoa, yufala gohed gudfala long laef blong yufala long Kraes. ?Hu nao hemi stopem yufala fo no obeim moa disfala tru toktok?

Galesia 6:17

Nao no eniwan hemi mas mekem enikaen trabol long mi moa, bikos long bodi blong mi, mi garem olketa mak finis from wei wea olketa bin mekful long mi bikos mi waka fo Jisas.

Filipae 3:15

Yumi evriwan hu i grouap strong long biliv blong yumi finis, yumi mas tingabaotem olketa samting ya long diskaen wei. An sapos samfala long yufala garem deferen tingting long hem, God nao bae hemi stretem diswan long olketa.

2 Tesalonaeka 3:4

An Masta blong yumi nao hemi mekem mifala save dat yufala falom nomoa wanem mifala bin talem long yufala finis. An mifala save tu dat bae yufala gohed olsem olowe.

1 Timoti 1:20

Tufala hu i joenem olketa ya nao Haemeneas an Aleksanda. Mi bin givim tufala go long han blong Seitan, mekem tufala save luksave dat tufala mas no gohed fo tokspoelem God.

Filimon 1:21

Mi raetem olketa toktok ya go long yu, bikos mi save dat bae yu duim wanem mi askem. An mi save tu dat bae yu duim gudfala samting moa winim olketa toktok blong mi.