Galesia 4:19 - Pijin Bible

¹⁹ Olketa pikinini blong mi, hemi mektu taem nao wea mi olsem woman hu hemi kolsap fo bonem pikinini. Mi filpein tumas bikos mi weitem taem wea yufala kamap pipol hu i barava falom wei blong Kraes moa.

Pijin Deuterocanon

¹⁹ Olketa pikinini blong mi, hemi mektu taem nao wea mi olsem woman hu hemi kolsap fo bonem pikinini. Mi filpein tumas bikos mi weitem taem wea yufala kamap pipol hu i barava falom wei blong Kraes moa.

Galesia 4:19 ပူးပေါင်းရင်းမြစ်များ

Aesaea 53:11

Bihaen taem wea hemi safa, bae hemi hapi moa, bikos hemi save tu wea hemi no safa fo nating. Disfala Wakaman blong mi wea wei blong hem hemi stret fogud, bae hemi mekem staka pipol fo kamap stret tu, an hemi tekem panis fo evri sin blong olketa.

Gudnius abaotem Jisas Kraes wea Luk hemi raetem 22:44

An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.

Leta wea Pol hemi raetem go long sios long Rom 13:14

Bat yufala mas holetaet long Masta blong yumi Jisas Kraes, mekem yufala redi fo faetem eni nogud samting. An yufala mas no tingting fo falom wei blong sin.

Leta wea Pol hemi raetem go long sios long Rom 8:29

An olketa pipol God hemi siusim olketa bifoa kam, hemi planem fo olketa kamap wankaen wetem San blong hem. Long wei ya nao, San blong hem hemi fasbon long plande brata blong hem.

2 Korin 12:14

Distaem mi redi fo go kasem yufala long mektri taem nao, bat mi no askem enisamting from yufala. Yufala seleva nao mi laekem, mi no laekem enisamting wea yufala garem. Yufala save, olketa pikinini olketa no save lukaftarem mami an dadi, bat mami an dadi nao save lukaftarem olketa pikinini.

Efesas 4:13

Long wei ya nao, bae yumi evriwan i kamap wanfala nomoa long biliv blong yumi an long save blong yumi abaotem San blong God. An bae yumi grouap moa an kamap olsem Kraes wea hemi barava gudfala finis.

Efesas 4:24

an fo stap long disfala niufala wei, wea God hemi mekem fo falom wei blong hem seleva. Sapos yufala stap olsem, bae yufala somaot tru laef wea hemi stret an hemi holi.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Filipae 2:17

Biliv blong yufala hemi olsem wanfala sakrifaes wea yumi ofarem go long God. Nao sapos olketa kilim mi dae, an blad blong mi hemi kapsaet olsem waen blong ofaring wea hemi joen tugeta wetem biliv blong yufala, bae mi hapi nomoa tugeta wetem yufala evriwan long diswan.

Filipae 2:5

Tingting an wei blong yufala hemi mas wankaen olsem tingting an wei blong Kraes.

Kolosi 1:27

God hemi laek fo somaot disfala tokhaed long olketa pipol blong hem. An disfala tokhaed ya, hemi garem gudfala samting wea God hemi laek fo givim long evri pipol long wol. An disfala tokhaed ya hemi olsem, Kraes hemi stap insaet long yufala finis nao, wea yufala save weitem hem fo bae hemi tekem yufala go stap wetem God.

Kolosi 2:1

Mi laekem yufala fo save dat mi hadwaka tumas fo helpem yufala an fo helpem olketa pipol long Leodisia wetem olketa nara pipol moa wea olketa no lukim fes blong mi yet.

Kolosi 3:10

an yufala bin tekem moa disfala niufala laef. An God hu hemi mekem disfala niufala laef fo kamap, hemi gohed fo mekem yufala savegud moa abaotem hem an kamap wankaen olsem hem seleva.

Kolosi 4:12

Wantok blong yufala Epafras wea hemi wakaman blong Jisas Kraes, hemi talem halo go long yufala. Oltaem nomoa hemi gohed fo prea strong fo yufala. Hemi askem God fo helpem yufala fo stanap strong finis long Kristin laef blong yufala, an fo mekem tingting blong yufala hemi savegud long evrisamting wea God hemi laekem.

1 Tesalonaeka 2:7

Hemi tru wea mifala barava aposol blong Kraes. So sapos mifala laekem, mifala save askem plande samting long yufala, bat mifala no duim olsem. Taem mifala stap wetem yufala, mifala mekem olketa samting isi fo yufala. Mifala olsem wanfala mami wea hemi lukaftarem gud olketa pikinini blong hem.

1 Timoti 1:2

Mi raet go long yu Timoti. Yu barava olsem san blong mi bikos yumitufala biliv long Kraes. Letem kaenfala lav, an sore, an piis blong God Dadi blong yumi an Jisas Kraes Masta blong yumi, hemi stap wetem yu.

Taetas 1:4

Mi raet go long yu Taetas. Yu barava olsem san blong mi long Kristin biliv blong yumi. Letem kaenfala lav an piis blong God Dadi blong yumi an Jisas Kraes Sevia blong yumi, hemi stap wetem yu.

Filimon 1:10

Mi askem yu fo yu mas barava kaen long Onesimas. Taem mi stap long prisin nomoa, mi tisim hem fo biliv long Kraes so hemi olsem pikinini blong mi nao.

Filimon 1:19

Mi Pol, mi raetem disfala toktok long han blong mi seleva. Bae mi nao mi sensim evri kaon blong Onesimas. Bat yu mas no fogetem wea yu garem kaon long mi tu. Mi minim disfala niufala laef wea yu kasem ya.

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.

Jemes 1:18

God hemi falom nao plan blong hem, so hemi givim yumi laef long disfala tru toktok. Hemi duim olsem, mekem yumi kamap nambawan winim eni narasamting wea hemi mekem.

1 Jon 2:1

So olketa pikinini blong mi, mi raet go long yufala, mekem yufala no duim eni ravis samting. Bat sapos eniwan hemi duim eni ravis samting, bae Jisas Kraes save helpem hem. Bikos hem nao hemi barava stret, an hemi save tok go long Dadi blong yumi fo helpem yumi.

1 Jon 2:12

Mi raet go long yufala olketa pikinini blong mi, bikos God hemi fogivim finis olketa sin blong yufala from wanem Kraes hemi bin duim.

1 Jon 5:21

Olketa pikinini blong mi, yufala mas lukaot gudfala, nogud yufala trastem olketa tambu kaving.

3 Jon 1:4

Taem mi herem dat olketa pikinini blong mi i gohed fo falom tru toktok, mi barava hapi tumas. No enisamting moa save mekem mi hapi winim diswan.