Galesia 4:14 - Pijin Bible

¹⁴ Disfala sik blong mi hemi mekem hem had fo yufala long taem ya, bat nomata olsem, yufala no bin luk nogud long mi an yufala nating bin raosim mi. Nomoa. Yufala nao lukaftarem mi gudfala olsem mi wanfala enjel blong God nao. Ya, yufala lukaftarem mi olsem mi Jisas Kraes seleva.

Pijin Deuterocanon

¹⁴ Disfala sik blong mi hemi mekem hem had fo yufala long taem ya, bat nomata olsem, yufala no bin luk nogud long mi an yufala nating bin raosim mi. Nomoa. Yufala nao lukaftarem mi gudfala olsem mi wanfala enjel blong God nao. Ya, yufala lukaftarem mi olsem mi Jisas Kraes seleva.

Galesia 4:14 ပူးပေါင်းရင်းမြစ်များ

2 Samuel 14:17

An mi save tu olsem promis blong yu bae hemi save mekem mi fo stap gudfala, bikos yu masta, yu olsem enjel blong God, an yu save luksave long samting wea hemi gud an samting wea hemi nogud. !Letem Yawe, God blong yu, hemi stap wetem yu!”

2 Samuel 19:27

Hemi kam long yu an toknogud abaotem mi. Bat yu masta, yu olsem enjel blong God, an hemi gud fo yu duim long mi wanem yu tingse hemi stret fo yu duim.

Stori abaotem Job 12:5

Olketa hu i garem gudfala laef i tokspoelem man wea trabol i kasem hem. Disfala wei hemi mekem moa trabol long olketa hu i kolsap foldaon.

Sams 119:141

Nomata mi man nating an olketa pipol i lukdaonem mi, mi no save fogetem olketa gudfala toktok blong yu.

Eklesiastes 9:16

So, mi talem dat waes nao hemi gudfala moa winim bikfala paoa, bat no eniwan nomoa hemi luksave long disfala puaman. Ya, no eniwan nomoa hemi tingim waes blong hem, an distaem no eniwan hemi lisin long toktok blong hem.

Sekaraea 12:8

Long datfala de, bae mi olsem wanfala sil fo gadem olketa wea i stap long Jerusalem. Nomata samfala long olketa i wik fogud, bat bae mi mekem olketa evriwan fo kamap strong olsem King Deved bifoa. An olketa long laen blong King Deved, bae i olsem God long olketa, an olsem Enjel blong mi Yawe hu hemi gohed fo lidim olketa.

Malakae 2:7

?Olketa prist nao i mesenja blong mi Yawe hu mi garem evri paoa. So, olketa mas tisim pipol fo savegud long tru wei blong mi, an hemi gud fo pipol i kam fo lane from olketa.

Matiu 10:40

Jisas hemi sei moa, “Eniwan hu hemi kaen long yufala, hemi kaen long mi tu ya. An eniwan hu hemi kaen long mi, hemi kaen long God hu hemi sendem mi kam tu.

Matiu 18:5

An eniwan hu hemi kaen long wanfala pikinini olsem ya long nem blong mi, hemi kaen long mi nao ya.

Matiu 25:40

Long taem ya, mi disfala King ya, bae mi ansarem olketa olsem, ‘Mi talem yufala tru samting nao, taem yufala duim kam enisamting long eniwan long olketa brata o sista blong mi hu hemi lou tumas, yufala duim diswan long mi nao ya.’

Gudnius abaotem Jisas Kraes wea Luk hemi raetem 10:16

An Jisas hemi sei moa, “Eniwan hu hemi herem toktok blong yufala, hemi save herem toktok blong mi tu ya. An eniwan hu hemi nating laekem yufala, hemi nating laekem mi tu ya. An eniwan hu hemi nating laekem mi, hemi nating laekem disfala man hu hemi sendem mi kam tu.”

Gudnius abaotem Jisas Kraes wea Jon hemi raetem 13:20

Mi talem yufala tru samting nao, man hu hemi kaen tumas long eniwan wea mi sendem kam, hemi kaen tumas long mi tu ya. An eniwan hu hemi kaen tumas long mi, hemi kaen tumas long God hu hemi sendem mi kam tu.”

1 Korin 1:28

God hemi siusim olketa pipol wea long lukluk blong man olketa lou tumas an olketa nogud tumas. Hemi siusim olketa wea long lukluk blong man olketa samting nating nomoa, mekem olketa hu i bikman tumas bae olketa kamap samting nating nao.

1 Korin 4:10

Olketa pipol i tingse mifala krangge bikos mifala blong Kraes. Bat yufala nao i waesman finis from yufala blong Kraes. Mifala nating strong ya, bat yufala nao i strong finis. Mifala ya, olketa pipol i lukdaonem mifala olowe nomoa. Bat yufala nao evriwan i tinghae long yufala.

2 Korin 5:20

So mifala nao man fo talemaot toktok blong Kraes, an hemi olsem God seleva nao hemi yusim mifala fo kolem olketa pipol. Mifala talemaot toktok blong Kraes an ask strong long yufala olsem, “!Yufala mas letem God fo mekem yufala save kambaek an frengud wetem hem moa!”

Galesia 3:26

Yufala evriwan ya yufala i olketa pikinini blong God bikos yufala biliv long Jisas Kraes.

Galesia 3:28

So no enisamting hemi deferen long olketa pipol hu i stap joen wetem Jisas Kraes, nomata olketa Jiu o olketa i no Jiu, nomata olketa slev o olketa i stap fri nomoa, nomata olketa man o olketa woman. Yufala evriwan i kamap wanfala nomoa.

Galesia 4:13

An yufala save dat bodi blong mi bin sik tumas, dastawe nao mi save talemaot Gudnius long yufala fastaem ya.

Galesia 4:15

?Waswe nao yufala lusim disfala hapi blong yufala distaem? Mi talem tru, yufala laekem tumas fo duim eni gudfala samting nomoa long taem ya. Sapos yufala save duim, ating yufala wiling nomoa fo tekemaot ae blong yufala an givim kam long mi fo helpem mi.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

1 Tesalonaeka 4:8

Olsem, sapos eniwan hemi agensim disfala tising, hemi no agensim tingting blong man. Nomoa. Hemi agensim God hu hemi givim Holi Spirit blong hem long yufala.

Hibrus 13:2

Yufala mas no foget fo lukaftarem gud olketa strensa wea olketa kam kasem ples blong yufala. Bikos samfala pipol long bifoa, olketa tingse olketa welkamem olketa strensa nomoa, bat wea, olketa tekem kam olketa enjel insaet long haos blong olketa nao.