Galesia 3:19 - Pijin Bible

¹⁹ ?So waswe nao Lo hemi stap? God hemi adem go Lo ya, mekem olketa rong samting save kamaot klia moa. God hemi minim fo Lo hemi gohed stap nomoa kasem taem wea bae disfala pikinini ya hemi kam, wea God hemi bin givim promis long hem. Olketa enjel nao i givim kam disfala Lo ya long Mosis hu hemi talemaot long olketa pipol.

Pijin Deuterocanon

¹⁹ ?So waswe nao Lo hemi stap? God hemi adem go Lo ya, mekem olketa rong samting save kamaot klia moa. God hemi minim fo Lo hemi gohed stap nomoa kasem taem wea bae disfala pikinini ya hemi kam, wea God hemi bin givim promis long hem. Olketa enjel nao i givim kam disfala Lo ya long Mosis hu hemi talemaot long olketa pipol.

Galesia 3:19 ပူးပေါင်းရင်းမြစ်များ

Sams 106:23

So God hemi talem dat bae hemi spoelem olketa pipol blong hem. Bat Mosis hu God hemi bin siusim fo wakaman blong hem, hemi agensim tingting blong God. So hemi stopem God fo no kros an fo no spoelem olketa.

Levitikas 15:32

“Hem nao lo fo olketa hu i no klin long ae blong mi olsem eni man wea sik hemi mekem nana hemi ranaot from samting blong hem, o man wea wata blong man hemi kamaot long bodi blong hem.

Gudnius abaotem Jisas Kraes wea Luk hemi raetem 16:31

Bat Ebraham hemi sei, ‘Sapos olketa no save bilivim wanem Mosis an olketa profet olketa talem, nomata wanfala man hemi laefbaek moa from dae, bae hemi had tumas fo olketa bilivim toktok blong hem tu ya.’”

Gudnius abaotem Jisas Kraes wea Jon hemi raetem 1:17

Lo blong God, Mosis nao hemi raetem. Bat hao God hemi kaen tumas an evri tru samting abaotem hem moa, Jisas Kraes nao hemi somaot klia long yumi.

Gudnius abaotem Jisas Kraes wea Jon hemi raetem 15:22

Sapos mi no kam long disfala wol fo toktok long olketa, olketa no save luksave long rong blong olketa tu ya. Bat distaem ya, hemi had fo eniwan fo haedem rong blong hem nao.

Aposol 7:38

An Mosis ya hemi stap wetem olketa pipol blong Israel taem olketa hipap tugeta long disfala drae eria. Hemi stap wetem olketa olo blong yumi, an hemi talem olketa wanem disfala enjel hemi bin talemaot long hem long maonten long Saenae. Hemi herem disfala toktok blong God wea hemi garem laef long hem, an hemi givim kam long yumi.

Aposol 7:53

!God hemi yusim olketa enjel fo givim disfala Lo long yufala nao ya, bat yufala nao nating obeim nomoa!”

Leta wea Pol hemi raetem go long sios long Rom 2:13

Olketa pipol hu i lisin nating long Lo ya, olketa no save stret long ae blong God. Bat olketa pipol hu i obeim Lo ya nao, bae God hemi mekem olketa stret long ae blong hem.

Leta wea Pol hemi raetem go long sios long Rom 4:15

Lo nao hemi mekem God fo somaot kros blong hem. Bat sapos no eni lo hemi stap, bae olketa pipol no save brekem eni lo tu.

Galesia 3:16

Nao God hemi talem olketa promis ya long Ebraham wetem pikinini blong hem ya. Buktambu hemi no sei, “wetem olketa pikinini” wea hemi minim plande pipol, bat hemi sei, “wetem pikinini blong hem” wea hemi minim wanfala man nomoa, an hem nao Kraes.

Diutronomi 33:2

“Yawe hemi aot long maonten long Saenae, hemi kam long yufala. Hemi kam long yufala olsem san wea hemi kamap narasaet long eria blong Idom. An laet blong hem hemi saenaot from maonten long Paran an hemi kam kasem yufala. Hemi garem 10,000 enjel wea i kam wetem hem, an hemi holem bikfala faea long raet han blong hem.

Diutronomi 5:5

An mi stap long midol long yufala an Yawe, an mi gohed fo talemaot long yufala olketa toktok wea Yawe hemi talem, bikos yufala fraet tumas long faea ya an no save go antap long maonten. “Nao long datfala taem, Yawe hemi tok olsem,

Hibrus 2:2

Nao disfala nius abaotem Lo wea olketa enjel i kam an talemaot bifoa, hemi tru. An evriwan hu i brekem an no falom Lo ya, God hemi panisim olketa long wei wea hemi fitim nogud wei blong olketa.

Hibrus 2:5

Nao sapos yumi tokabaotem niufala wol wea bae hemi kam ya, God hemi no tingting fo putum olketa enjel fo rul ovarem.