Galesia 2:8 - Pijin Bible

⁸ Bikos God hemi mekem Pita kamap aposol fo go long olketa Jiu, an hemi mekem mi kamap aposol fo go long olketa hu i no Jiu.

Pijin Deuterocanon

⁸ Bikos God hemi mekem Pita kamap aposol fo go long olketa Jiu, an hemi mekem mi kamap aposol fo go long olketa hu i no Jiu.

Galesia 2:8 ပူးပေါင်းရင်းမြစ်များ

Aposol 1:25

fo tekem disfala waka olsem aposol. Bae hemi sensim Jiudas hu hemi lusim finis disfala waka, an hemi go long barava ples blong hem.”

Aposol 1:8

Bat taem Holi Spirit hemi kamdaon fo stap wetem yufala, bae yufala garem paoa fo talemaot olketa samting abaotem mi long Jerusalem an long olketa nara ples long Jiudia an long provins long Samaria an go-go kasem evri ples long disfala wol.”

Aposol 15:12

Nao disfala toktok hemi barava mekem seksin ya kuaet fogud nao. An olketa gohed fo herem wanem Pol an Banabas tufala talem abaotem olketa mirakol an olketa saen wea God hemi mekem tufala fo duim long midol long olketa pipol hu i no Jiu.

Aposol 19:26

An yufala seleva lukim an herem finis wea disfala man Pol hemi bin talem olsem, ‘Olketa god wea olketa man nomoa olketa wakem ya, olketa no truwan.’ An long taon blong yumi long Efesas an kolsap long evri ples moa long Esia tu, Pol hemi bin pulum plande pipol tumas an tanem tingting blong olketa finis.

Aposol 21:19

Pol hemi talem halo long olketa, an hemi gohed fo talemaot evrisamting wea God hemi bin duim long olketa pipol hu i no Jiu, long disfala waka blong hem.

Aposol 22:21

Nao Masta hemi tok olsem long mi moa, ‘!Yu go nao! Bae mi sendem yu go farawe go kasem olketa pipol hu i no Jiu.’”

Aposol 4:4

Bat plande pipol hu olketa herem toktok blong tufala, olketa barava bilivim nao. An olketa pipol hu i biliv ya, olketa go kasem samting olsem 5,000 distaem.

Aposol 8:17

So Pita an Jon tufala putum han blong tufala antap long olketa, an Holi Spirit hemi kamdaon fo stap wetem olketa nao.

Aposol 9:15

Bat Masta hemi tok long hem an hemi sei, “!Yu go! Disfala man ya, mi nao mi siusim hem fo duim waka blong mi. Bae hemi talemaot nem blong mi long olketa pipol hu i no Jiu wetem olketa king an olketa pipol blong Israel tu.

1 Korin 15:10

Bat bikos God nao hemi lavem mi tumas, dastawe mi stap olsem distaem. An God hemi no westem lav blong hem nating. Nomoa ya. Mi bin wakahad tumas winim olketa nara aposol. Bat diswan hemi no barava waka blong mi seleva ya, kaenfala lav blong God nao hemi bin stap wetem mi fo duim diswan.

1 Korin 9:2

Nomata sapos nara pipol olketa no luksave long mi olsem aposol, yufala nao i mas duim. Bikos niufala laef blong yufala wea yufala stap joen wetem Masta, hem nao hemi somaot dat mi wanfala tru aposol.

Galesia 3:5

?Waswe nao God hemi givim Spirit blong hem long yufala an hemi mekem olketa mirakol long yufala? ?Waswe, hemi bikos yufala falom Lo, o bikos yufala biliv long disfala Gudnius wea yufala herem?

Kolosi 1:29

Nao fo duim diswan mi barava hadwaka tumas ya. Mi gohed strong nomoa, from mi yusim olketa bikfala paoa ya wea Kraes hemi givim kam long mi.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.