Filipae 2:29 - Pijin Bible

²⁹ Bae yufala mas welkamem hem moa long nem blong Masta. An yufala mas tinghae long olketa pipol olsem hem,

Pijin Deuterocanon

²⁹ Bae yufala mas welkamem hem moa long nem blong Masta. An yufala mas tinghae long olketa pipol olsem hem,

Filipae 2:29 ပူးပေါင်းရင်းမြစ်များ

Aesaea 52:7

(Profet) Hemi gud tumas fo lukim man fo tekem mesij, hemi katkros kam long olketa maonten. Hem nao hemi tekem kam gudnius, an hemi talemaot nius long piis. Hemi talemaot olketa gudnius wea bae God hemi sevem yumi. Bae hemi kam long Saeon, an hemi tok olsem long yumi, “!God blong yufala nao hemi King!”

Gudnius abaotem Jisas Kraes wea Luk hemi raetem 9:5

An sapos yufala kasem wanfala ples wea olketa no laekem yufala fo stap wetem olketa, yufala mas sekemaot graon from lek blong yufala an go from ples ya nomoa. Diswan ya hemi saen fo wonem olketa ya.”

Gudnius abaotem Jisas Kraes wea Jon hemi raetem 13:20

Mi talem yufala tru samting nao, man hu hemi kaen tumas long eniwan wea mi sendem kam, hemi kaen tumas long mi tu ya. An eniwan hu hemi kaen tumas long mi, hemi kaen tumas long God hu hemi sendem mi kam tu.”

Aposol 2:46

Long evri de, olketa save hipap tugeta long disfala Tambuhaos blong God. An olketa gohed fo kaikai tugeta long olketa deferen haos blong olketa, an olketa save hapi tumas, an olketa save helpem eniwan long kaikai nomoa.

Aposol 28:10

So olketa givim plande samting long mifala, an taem mifala redi fo lusim ples ya, olketa givim mifala evrisamting wea mifala nidim fo gogo blong mifala.

Aposol 8:8

So taem ya, evriwan long disfala biktaon ya i barava hapi fogud nao.

Leta wea Pol hemi raetem go long sios long Rom 10:15

?An hao nao eniwan i save talemaot nius, sapos olketa no sendem eniwan fo talemaot? Olsem olketa raetem long Buktambu, “!Hemi gudfala samting tumas, taem olketa pipol kam fo talemaot Gudnius!”

Leta wea Pol hemi raetem go long sios long Rom 16:2

Hemi gud fo yufala tingim Masta blong yumi, an letem Fibi fo stap wetem yufala long wei wea hemi fitim olketa pipol blong God. An sapos hemi sot long enisamting, yufala mas helpem hem, bikos hemi helpem plande pipol finis an hemi helpem mi tu.

1 Korin 16:10

Sapos Timoti hemi kasem yufala, yufala mas lukaotem hem gudfala bikos hem tu hemi waka fo Masta olsem mi ya.

1 Korin 16:18

An olketa bin mekem mi hapi nao olsem olketa bin mekem yufala hapi bifoa. Yufala mas tinghae long olketa pipol olsem.

2 Korin 10:18

Man wea Masta hemi tinghae long hem, hem nao God hemi laekem, i no man wea hemi tinghae long hem seleva.

2 Korin 7:2

Yufala mas somaot dat yufala lavem mifala. Mifala no duim enisamting rong long eniwan. Mifala no spoelem eniwan, an mifala no ravem eniwan.

Filipae 2:28

So mi laekem tumas fo sendem hem gobaek long yufala nao, mekem yufala save hapi taem yufala lukim hem moa, an mekem mi no wari tumas moa abaotem hem.

Kolosi 4:10

Nao Aristakas hu hemi stap wetem mi long prisin, hemi talem halo go long yufala ya, wetem Mak hu hemi kasin brata blong Banabas. Sapos Mak bae hemi go kasem ples blong yufala, yufala mas lukaotem hem gudfala olsem mi talem yufala finis.

1 Tesalonaeka 5:12

Olketa Kristin fren, mifala askem yufala fo tinghae long olketa lida blong yufala long sios, bikos olketa nao i gohed fo lidim yufala an tisim yufala.

1 Timoti 5:17

Hemi fitim fo yufala mekhae long olketa lida hu i lukaftarem sios gudfala an givim gudfala wejis long olketa tu, olsem olketa hu i save gohed fo wakahad fo talemaot Gudnius an tisim olketa toktok blong God.

Hibrus 13:17

Olketa lida blong yufala i lukaftarem laef blong yufala. An bihaen nao, bae olketa mas talem God abaotem wanem olketa bin duim. Dastawe yufala mas obeim olketa an tinghae long olketa, mekem olketa hapi long waka ya. Sapos yufala mekem waka blong olketa fo kamap hevi, bae hemi no save helpem yufala nao ya.

3 Jon 1:10

So taem mi kam fo lukim yu, bae mi talemaot olketa ravis samting wea hemi save duim, olsem olketa ravis samting wea hemi talem agensim mifala. An narasamting moa, hemi nating laek fo lukaftarem olketa Kristin fren taem olketa kasem sios ya. An sapos olketa narawan i wande helpem olketa ya, Daeotrefis hemi stopem olketa fo no duim diswan an hemi raosim olketa from sios ya tu.