Filimon 1:7 - Pijin Bible

⁷ Gudfala fren, yu mekem mi filhapi tumas an yu strongim tingting blong mi bikos wei blong yu fo lavem olketa pipol blong God hemi mekem tingting blong olketa fo kamap strong moa.

Pijin Deuterocanon

⁷ Gudfala fren, yu mekem mi filhapi tumas an yu strongim tingting blong mi bikos wei blong yu fo lavem olketa pipol blong God hemi mekem tingting blong olketa fo kamap strong moa.

Filimon 1:7 ပူးပေါင်းရင်းမြစ်များ

1 Korin 16:18

An olketa bin mekem mi hapi nao olsem olketa bin mekem yufala hapi bifoa. Yufala mas tinghae long olketa pipol olsem.

2 Korin 7:13

From disfala wei blong yufala nao mifala hapi tumas. Mifala filgud long yufala, an mifala hapi tumas tu long Taetas hu hemi hapi bikos yufala mekem maen blong hem fo filgud moa.

2 Korin 7:4

Mi barava trastem yufala, an mi praod tumas long yufala. Nomata enikaen trabol hemi kasem mifala, yufala mekem tingting blong mi i strong an mi barava hapi fogud.

1 Tesalonaeka 1:3

Evritaem mifala prea long God Dadi blong yumi, mifala tingim olketa gudfala wei wea yufala bin falom bikos yufala biliv long Jisas, an hadwaka wea yufala bin duim bikos yufala lavem God tumas. An mifala tingim tu hao yufala stanap strong olowe from yufala trastem Jisas Kraes Masta blong yumi.

1 Tesalonaeka 2:13

An narasamting moa, oltaem mifala talem tengkiu long God, bikos taem yufala herem mifala talemaot toktok blong God, yufala no herem olsem toktok blong man nomoa, bat yufala biliv wea hemi barava toktok blong God. Diswan hemi tru tumas, bikos God hemi gohed nao fo duim olketa gudfala samting long laef blong yufala hu biliv long hem.

1 Tesalonaeka 2:19

Nao taem Jisas Masta blong yumi bae hemi kambaek moa, bae mifala save hapi from yufala. Ya, tingting blong mifala bae hemi save stap strong an bae mifala save filpraod tumas long yufala long datfala taem. An laef blong yufala nao bae hemi somaot dat mifala win finis.

1 Tesalonaeka 3:9

Mifala barava talem tengkiu tumas long God, bikos long ae blong God yufala nao mekem mifala hapi tumas.

2 Timoti 1:16

Mi askem Masta fo hemi sore an kaen long Onesiforas wetem famili blong hem, bikos plande taem nao hemi helpem mi fo stap hapi. An hemi nating filsem long mi from mi stap long prisin.

Filimon 1:20

Gudfala fren blong mi, mi askem yu long nem blong Masta, plis yu helpem mi. Yumitufala stap joen wetem Kraes, so hemi gud fo yu mekem tingting blong mi fo kamap strong moa.

2 Jon 1:4

Mi hapi fogud taem mi herem dat samfala long olketa pikinini blong yu i gohed fo falom tru toktok, olsem wea God Dadi blong yumi hemi bin talem yumi fo duim.