Filimon 1:19 - Pijin Bible

¹⁹ Mi Pol, mi raetem disfala toktok long han blong mi seleva. Bae mi nao mi sensim evri kaon blong Onesimas. Bat yu mas no fogetem wea yu garem kaon long mi tu. Mi minim disfala niufala laef wea yu kasem ya.

Pijin Deuterocanon

¹⁹ Mi Pol, mi raetem disfala toktok long han blong mi seleva. Bae mi nao mi sensim evri kaon blong Onesimas. Bat yu mas no fogetem wea yu garem kaon long mi tu. Mi minim disfala niufala laef wea yu kasem ya.

Filimon 1:19 ပူးပေါင်းရင်းမြစ်များ

Jenesis 43:9

Mi promisim bae mi lukaftarem hem gudfala, an hemi bisnis blong mi nao fo tekem hem kambaek sef long hia. An sapos hemi no kambaek sef long yu, bae mi nao mi karim panis long disfala samting ya olowe nao go-go mi dae.

Leta wea Pol hemi raetem go long sios long Rom 16:22

Mi Tetias, hu mi raetemdaon disfala leta blong Pol, mi sei halo long yufala.

1 Korin 4:15

Nomata sapos yufala garem 10,000 pipol fo tisim yufala long wei blong Kraes, wanfala man nomoa hemi olsem dadi blong yufala. Mi tekem kam disfala Gudnius long yufala ya, mekem mi nao mi kamap olsem dadi blong yufala long saet blong Jisas Kraes.

2 Korin 10:1

Samfala man sei mi hambol tumas taem mi stap wetem yufala an mi save raf nomoa taem mi stap farawe from yufala. Nao Kraes hemi kaen an hemi no raf,

2 Korin 3:2

Yufala seleva nao olsem leta fo tokabaotem mifala, wea olketa toktok insaet long leta ya, hemi stap long laef blong yufala. Evriwan save ridim disfala leta an garem save long hem.

2 Korin 9:4

Nogud samfala pipol long Masedonia olketa kam wetem mi bihaen, an faendem yufala nating redi nomoa. Sapos olsem, bae mifala sem tumas bikos mifala trastem yufala tumas. An yufala tu bae yufala filsem.

Galesia 5:2

!Lisin kam gudfala! Mi Pol, mi talem stret long yufala, sapos yufala letem yufala seleva fo falom disfala Lo fo kate, bae Kraes hemi no save helpem yufala nao ya.

Galesia 6:11

Yufala lukim olketa bikfala raeting wea mi raetem go long yufala long han blong mi seleva ya.

1 Timoti 1:2

Mi raet go long yu Timoti. Yu barava olsem san blong mi bikos yumitufala biliv long Kraes. Letem kaenfala lav, an sore, an piis blong God Dadi blong yumi an Jisas Kraes Masta blong yumi, hemi stap wetem yu.

Taetas 1:4

Mi raet go long yu Taetas. Yu barava olsem san blong mi long Kristin biliv blong yumi. Letem kaenfala lav an piis blong God Dadi blong yumi an Jisas Kraes Sevia blong yumi, hemi stap wetem yu.

Filimon 1:18

An enisamting wea hemi bin duim nogud long yu an enisamting wea hemi bin kaonem long yu, yu mas letem mi nao fo sensim olketa samting ya.