Esta 9:28 - Pijin Bible

²⁸ An evriwan i agri wea evriwan hu bae i bon kam bihaen long olketa, mas oltaem kipim tufala de ya blong Purim. An long evri provins an long evri taon, olketa Jiu evriwan mas tingim fo mekem fist ya evri yia.

Pijin Deuterocanon

²⁸ An evriwan i agri wea evriwan hu bae i bon kam bihaen long olketa, mas oltaem kipim tufala de ya blong Purim. An long evri provins an long evri taon, olketa Jiu evriwan mas tingim fo mekem fist ya evri yia.

Esta 9:28 ပူးပေါင်းရင်းမြစ်များ

Esta 9:27

olketa Jiu i mekem wanfala rul fo olketa. Olketa wea bae i bon kam bihaen long olketa, an olketa narafala pipol wea bae i laek fo falom wei blong olketa Jiu, bae olketa mas kipim tufala de ya evri yia, long barava taem blong hem, olsem wea Modekae bin talem long leta blong hem.

Esta 9:29

Kuin Esta wetem Modekae blong Jiu i raetem wanfala leta moa fo som dat Esta hemi barava agri long leta wea Modekae hemi raetem fastaem abaotem disfala Fist blong Purim.

Sams 103:2

Mi laekem tumas fo preisim Yawe olowe, an mi mas no fogetem wea hemi kaen tumas long yumi.

Sams 145:4

Lod Yawe, oltaem bae olketa pipol blong yu i preisim yu fo olketa gudfala samting wea yu bin duim fo olketa, an olketa pikinini wea bae i bon kam long laen blong olketa. Ya, oltaem bae olketa talemaot olketa bikfala waka blong yu.

Eksodas 12:17

Evri yia, bae yufala mas mekem fist ya, bikos long disfala de nao, mi lidim aot yufala traeb blong Israel from Ijip olsem wea yufala i olketa seksin long ami blong mi. Evri yia, bae yufala an olketa hu i bon kam long laen blong yufala mas mekem bikde fo makem de ya, olowe nao.

Sekaraea 6:14

An disfala kraon bae hemi stap olowe long Tambuhaos blong Yawe olsem wanfala memori fo tinghae long Heldae, an Tobaeja, an Jedaea, an Josaea, san blong Sefenaea.?

Josua 4:7

bae yumi tok olsem long olketa, ‘Hem nao memori blong taem wea olketa prist i karim Tambu Boks long Spesol Agrimen blong Yawe, an go akros long Jodan Riva, an wata ya hemi no ran. Oltaem, bae olketa ston ya i stap olsem, mekem olketa hu i bon kam bihaen long yumi, bae save tingim olketa samting wea hemi hapen long yumi long ples ya.’”