Esta 9:21 - Pijin Bible

²¹ Long leta ya hemi tok olsem, “Yumi mas makem wea bae long evri yia yumi mas holide long tufala de ya, mekfotin de an mekfiftin de long mektuel mans long Ada.

Pijin Deuterocanon

²¹ Long leta ya hemi tok olsem, “Yumi mas makem wea bae long evri yia yumi mas holide long tufala de ya, mekfotin de an mekfiftin de long mektuel mans long Ada.

Esta 9:21 ပူးပေါင်းရင်းမြစ်များ

Esra 6:15

Olketa finisim Tambuhaos ya long mektri de long mans ya Ada long meksiks yia wea King Darias hemi rul ovarem Pesia.

Esta 3:7

Long fas mans, wea nem blong hem nao Nisan long mektuel yia wea King Sekses hemi rul, Haman hemi talem olketa man blong hem fo rolem olketa spesol ston fo faendemaot barava mans an de wea bae hemi duim samting falom datfala plan blong hem. Nao olketa faendemaot wea taem fo hemi duim samting falom plan ya nao, long mektetin de blong mektuel mans, wea nem blong hem nao Ada. (Olketa kolem olketa spesol ston ya, “purim”.)

Esta 9:17

Hem nao mektetin de long mektuel mans ya. Bat long neks de, olketa no faet. Long datfala de, olketa gohed fo mekem fist bikos olketa barava hapi tumas.

Esta 9:18

Bat olketa Jiu hu i stap long Susa, olketa gohed fo faet long mektetin de an mekfotin de. Long mekfiftin de, olketa no faet. Olketa gohed fo mekem fist tu bikos olketa i barava hapi tumas.

Esta 9:20

Modekae hemi mekem olketa fo raetemdaon stori abaotem olketa samting ya, an sendem go long leta fo olketa Jiu hu i stap evriwea long olketa provins insaet long kingdom ya blong King Sekses.

Esta 9:22

Hem nao tufala de wea yumi kilim dae olketa enemi blong yumi. Long datfala taem nao, yumi bin tingse bae yumi sore tumas an krae, bat hemi kamap wanfala taem wea yumi barava hapi tumas. Bae yumi mas hapi long tufala de ya, an olketa famili blong yumi mas wakem kaikai, an mas givim kaikai long olketa fren blong yumi, an long olketa pua pipol tu.”

Esta 9:27

olketa Jiu i mekem wanfala rul fo olketa. Olketa wea bae i bon kam bihaen long olketa, an olketa narafala pipol wea bae i laek fo falom wei blong olketa Jiu, bae olketa mas kipim tufala de ya evri yia, long barava taem blong hem, olsem wea Modekae bin talem long leta blong hem.

Esta 9:29

Kuin Esta wetem Modekae blong Jiu i raetem wanfala leta moa fo som dat Esta hemi barava agri long leta wea Modekae hemi raetem fastaem abaotem disfala Fist blong Purim.