Esta 9:18 - Pijin Bible

¹⁸ Bat olketa Jiu hu i stap long Susa, olketa gohed fo faet long mektetin de an mekfotin de. Long mekfiftin de, olketa no faet. Olketa gohed fo mekem fist tu bikos olketa i barava hapi tumas.

Pijin Deuterocanon

¹⁸ Bat olketa Jiu hu i stap long Susa, olketa gohed fo faet long mektetin de an mekfotin de. Long mekfiftin de, olketa no faet. Olketa gohed fo mekem fist tu bikos olketa i barava hapi tumas.

Esta 9:18 ပူးပေါင်းရင်းမြစ်များ

Esta 8:11

Toktok ya hemi talem dat olketa Jiu hu i stap long evri taon olsem, bae olketa evriwan mas kam tugeta long de ya wea Haman hemi putum fo olketa man fo kam an kilim dae olketa Jiu. So, olketa mas redim olketa seleva long datfala de fo faet fo sevem laef blong olketa. Leta ya hemi tok olsem, “Long mektetin de blong mektuel mans ya long datfala yia, bae yufala mas redi fo faet. Nomata yufala stap long olketa provins insaet long kingdom blong mi, sapos eniwan hemi tekem kam olketa samting fo faet, an kam fo kilim yufala dae wetem olketa pikinini an olketa waef blong yufala, bae yufala mas faetem olketa. Long datfala de, bae yufala garem raet fo kilim dae olketa pipol hu i kam fo faetem yufala, an bae yufala save tekem evrisamting wea olketa bin onam. Hem nao toktok blong mi fo yufala evriwan, long olketa provins insaet long kingdom blong mi.”

Esta 9:1

Hemi kasem nao mektetin de blong mektuel mans ya, wea Haman bin talemaot long nem blong king, an olketa enemi blong olketa Jiu i bin planem finis fo kilim olketa dae. Bat long datfala taem, evri plan hemi barava sens fogud nao, an olketa Jiu i winim olketa enemi ya.

Esta 9:11

Long datfala sem de, king hemi herem ripot abaotem namba long olketa pipol wea olketa Jiu i kilim dae long Susa.

Esta 9:13

Esta hemi tok olsem, “King. Sapos hemi oraet nomoa long yu fo olketa Jiu i duim olsem, plis yu letem olketa fo duim moa semsamting tumoro long taon ya, olsem wea olketa bin duim tude. An yu talem olketa man blong yu, fo hangem bodi blong tenfala san ya blong Haman long datfala ples fo hangem man long hem.”

Esta 9:15

Long mekfotin de blong mektuel mans ya, olketa Jiu hu i stap long Susa i kam tugeta moa, an kilim dae 300 pipol moa long taon ya. Bat olketa no tekem nomoa enisamting blong olketa.

Esta 9:2

Long evri taon wea olketa Jiu i stap long hem an long evri provins long kingdom blong King Sekses, olketa Jiu i redim olketa seleva finis fo faet agensim olketa pipol wea i laek fo kilim olketa dae. Bat olketa pipol long evri ples i fraetem olketa Jiu, so olketa enemi i nating save winim olketa nao.

Esta 9:21

Long leta ya hemi tok olsem, “Yumi mas makem wea bae long evri yia yumi mas holide long tufala de ya, mekfotin de an mekfiftin de long mektuel mans long Ada.