Esta 9:17 - Pijin Bible

¹⁷ Hem nao mektetin de long mektuel mans ya. Bat long neks de, olketa no faet. Long datfala de, olketa gohed fo mekem fist bikos olketa barava hapi tumas.

Pijin Deuterocanon

¹⁷ Hem nao mektetin de long mektuel mans ya. Bat long neks de, olketa no faet. Long datfala de, olketa gohed fo mekem fist bikos olketa barava hapi tumas.

Esta 9:17 ပူးပေါင်းရင်းမြစ်များ

Esta 3:12

So, long mektetin de blong fas mans, Haman hemi kolem olketa sekretri blong king fo kam long hem, an hemi talemaot wanfala strongfala toktok long olketa mekem olketa raetemdaon. Olketa tanem go toktok ya long olketa langguis blong olketa provins insaet long kingdom ya. Nao Haman hemi tekem ring ya blong king, an putum mak blong hem long olketa leta, fo somaot dat king nao hemi pasim toktok ya. An hemi sendem olketa leta ya go long olketa minista blong king, an olketa gavna long evri provins, an olketa sif blong olketa deferen traeb insaet long kingdom ya.

Esta 8:9

Long mektuenti-tri de blong mektri mans ya, wea nem blong hem nao Sivan, Modekae hemi kolem kam olketa sekretri blong king, an olketa raetemdaon wanfala toktok long nem blong king. Toktok ya hemi go fo olketa Jiu, wetem olketa minista blong king, an olketa gavna an olketa bikman blong 127 provins insaet long kingdom ya, stat long kantri blong India long ist, go kasem kantri blong Kus long west. Hemi gohed fo toktok, an olketa gohed fo raetemdaon olketa toktok blong hem. An olketa tanem toktok ya go long olketa langguis blong evri provins, an olketa tanem go tu long Hibru langguis wea hemi langguis blong olketa Jiu.

Esta 9:1

Hemi kasem nao mektetin de blong mektuel mans ya, wea Haman bin talemaot long nem blong king, an olketa enemi blong olketa Jiu i bin planem finis fo kilim olketa dae. Bat long datfala taem, evri plan hemi barava sens fogud nao, an olketa Jiu i winim olketa enemi ya.

Esta 9:18

Bat olketa Jiu hu i stap long Susa, olketa gohed fo faet long mektetin de an mekfotin de. Long mekfiftin de, olketa no faet. Olketa gohed fo mekem fist tu bikos olketa i barava hapi tumas.

Esta 9:21

Long leta ya hemi tok olsem, “Yumi mas makem wea bae long evri yia yumi mas holide long tufala de ya, mekfotin de an mekfiftin de long mektuel mans long Ada.