Esta 7:9 - Pijin Bible

⁹ An wanfala long olketa wea nem blong hem Habona, hemi tok olsem, “King. Man ya hemi mekem finis wanfala ples fo hangem man long hem, kolsap long haos blong hem, wea hae blong hem hemi kasem tuenti-faev mita. Hemi bin mekem fo hangem Modekae long hem. Bat Modekae nao bin sevem laef blong yu.” So, king hemi tok olsem, “!Oraet! !Yufala go an hangem Haman long hem!”

Pijin Deuterocanon

⁹ An wanfala long olketa wea nem blong hem Habona, hemi tok olsem, “King. Man ya hemi mekem finis wanfala ples fo hangem man long hem, kolsap long haos blong hem, wea hae blong hem hemi kasem tuenti-faev mita. Hemi bin mekem fo hangem Modekae long hem. Bat Modekae nao bin sevem laef blong yu.” So, king hemi tok olsem, “!Oraet! !Yufala go an hangem Haman long hem!”

Esta 7:9 ပူးပေါင်းရင်းမြစ်များ

2 Kings 9:32

Jehu hemi luk goap, an hemi singaot bikfala olsem, “?Hu nao saetem mi? ?Hu ya?” Nao tu-trifala wakaman long haos blong king i lukaot kam long windo.

Esta 1:10

Long mekseven de blong fist ya, King Sekses hemi filgud tumas bikos hemi dringim plande waen, so hemi kolem kam sevenfala wakaman blong hem wea nem blong olketa nao, Mehuman, an Bista, an Habona, an Bigta, an Abagta, an Seta, an Kakas.

Esta 5:14

So, waef blong hem an olketa fren blong hem i tok olsem long hem, “Olketa wakaman mas wakem wanfala ples fo hangem man wea hae blong hem hemi kasem tuenti-faev mita. Tumoro long moning, bae yu save askem king, mekem olketa man blong hem i hangem Modekae long hem. An bihaen, bae yu jes hapi, taem yu go long fist ya.” Haman hemi herem plan ya an hemi hapi tumas. So hemi talem olketa man blong hem fo wakem wanfala ples fo hangem man long hem.

Esta 6:14

Taem olketa gohed fo tokabaotem datfala samting yet, olketa wakaman blong king i kam nao, an talem Haman fo hariap go nao long fist wea Kuin Esta hemi redim.

Esta 6:2

Olketa gohed fo ridimaot ripot ya go-go kasem ples wea hemi talem abaotem taem wea Modekae hemi faendemaot wea tufala wakaman ya Biktana an Teres, hu i gadem geit long haos blong king, wea tufala bin mekem plan fo kilim dae king.

Esta 8:7

Long datfala taem, Modekae blong Jiu hemi stap tu, an king hemi tok olsem long tufala, “Yutufala save. Mi bin letem fo olketa hangem Haman from plan wea hemi mekem agensim olketa pipol blong yutufala, an mi givim finis evrisamting blong hem long yu Esta.

Esta 9:14

So, king hemi givim narafala strongfala toktok wea hemi letem olketa fo duim moa wanem olketa bin duim finis long Susa, olsem wea Esta bin askem. An olketa man blong hem i go hangem bodi blong tenfala san ya blong Haman, mekem evri pipol save lukim.

Esta 9:25

Bat taem king hemi herem disfala ravis plan, hemi mekem narafala toktok wea disfala plan blong Haman fo kilim dae olketa Jiu, mas kasem hem seleva. Dastawe nao olketa hangem Haman an olketa san blong hem long ples fo hangem man long hem.

Sams 141:10

Hemi gud tumas sapos olketa seleva i pas long trap wea olketa putum fo kasem mi. Bat bae mi gopas long olketa trap nomoa. (Singsing blong Deved. Hem nao prea blong hem, long taem wea hemi haed insaet long kev.)

Sams 35:8

Bat bae olketa kasem trabol long taem wea olketa nating tingim nomoa. Trap wea olketa mekem bae hemi kasem olketa seleva moa. Ya, hemi olsem wea hol olketa bin digim, bae olketa seleva nao i foldaon long hem.

Sams 73:19

Bae yu spoelem olketa kuiktaem nomoa, an bae dae blong olketa hemi nogud tumas.

Daniel 6:24

An king hemi givim wanfala strongfala toktok fo kasholem olketa man hu i bin laea agensim Daniel. So, olketa kasholem olketa wetem olketa waef blong olketa an olketa pikinini blong olketa, an torowem olketa godaon insaet long hol ya wea olketa laeon i stap long hem. Bat taem olketa no kasem yet long botom blong hol ya, olketa laeon i jam kam ap fo olketa an pisisim olketa nao.

Daniel 6:7

Mifala evriwan hu i waka fo yu insaet long kingdom ya blong yu, olsem trifala hedman, wetem olketa minista, an olketa fas sekretri, an olketa advaesa, an olketa gavna blong olketa provins, mifala i tingting olsem. Mifala evriwan i agri wea yu mas pasim wanfala lo, an mekem evri pipol mas obeim disfala lo ya. Mifala laekem yu fo givim strongfala toktok olsem stat distaem go-go kasem tetifala de, bae no eniwan save askem enisamting long eni god o eni narawan. Olketa mas askem yu nomoa. An eniwan hu hemi brekem lo ya, bae yu givim oda fo torowem hem go insaet long bikfala hol ya wea olketa laeon i stap long hem.

1 Samuel 17:51

Den hemi ran go an pulumaot naef fo faet blong Golaeat, an katemaot hed blong hem. Taem olketa soldia blong Filistia i lukim olsem strongman fo faet blong olketa hemi dae, olketa ra-ranawei nao.