Esta 7:1 - Pijin Bible

¹ So, king wetem Haman i go nao fo kaikai moa wetem Esta.

Pijin Deuterocanon

¹ So, king wetem Haman i go nao fo kaikai moa wetem Esta.

Esta 7:1 ပူးပေါင်းရင်းမြစ်များ

Esta 3:15

King hemi agri long toktok ya, an olketa man blong hem i go kuiktaem an talemaot disfala strongfala toktok long Susa, an long olketa kantri insaet long kingdom ya. Disfala toktok ya hemi mekem evri pipol long taon ya fo barava wari, bikos olketa nating save waswe nao olketa mekem disfala lo. Bat king wetem Haman, tufala sidaon fo dring an hapi.

Esta 5:8

“King, sapos hemi oraet nomoa long yu, plis mi laekem tumas fo yutufala kambaek moa tumoro. Bae mi redim narafala fist fo yutufala, an sapos yutufala save kam moa, bae mi jes talem yu wanem mi laekem.”

Esta 6:14

Taem olketa gohed fo tokabaotem datfala samting yet, olketa wakaman blong king i kam nao, an talem Haman fo hariap go nao long fist wea Kuin Esta hemi redim.

Esta 7:2

An taem trifala gohed fo dringim waen, king hemi askem hem olsem, “Kuin Esta, sapos yu talem mi wanem nao yu laekem, bae mi save givim long yu distaem. Nomata yu askem haf long olketa samting wea mi garem, bae mi save givim nomoa ya.”