Esta 6:13 - Pijin Bible

¹³ Hemi stori abaotem evrisamting wea hemi hapen long hem, long waef blong hem Seres wetem olketa fren blong hem. Nao waef blong hem wetem olketa waes fren blong hem i tok olsem long hem, “Distaem Modekae hemi kamap an hemi garem moa paoa winim yu nao, an yu lusim nao paoa blong yu. An bikos hemi man blong Jiu, yu no save winim hem. Bae hemi mas winim yu nao.”

Pijin Deuterocanon

¹³ Hemi stori abaotem evrisamting wea hemi hapen long hem, long waef blong hem Seres wetem olketa fren blong hem. Nao waef blong hem wetem olketa waes fren blong hem i tok olsem long hem, “Distaem Modekae hemi kamap an hemi garem moa paoa winim yu nao, an yu lusim nao paoa blong yu. An bikos hemi man blong Jiu, yu no save winim hem. Bae hemi mas winim yu nao.”

Esta 6:13 ပူးပေါင်းရင်းမြစ်များ

Jenesis 24:66

Nao taem olketa go kasem Aesak, wakaman ya hemi stori long hem, an hemi talemaot evrisamting ya long hem wea i kamap longwe.

Jenesis 40:19

Hemi no kasem trifala de yet, bae olketa katemaot hed blong yu, an bae olketa hangem bodi blong yu long wanfala pos. An olketa bed bae i kam an kaikaim mit long bodi blong yu.”

Jenesis 41:8

Bat long moning, king ya hemi barava wari fogud nao, so hemi kolem olketa kleva man blong kantri ya, fo kam an lukim hem. Nao hemi talemaot tufala drim ya long olketa, bat no eniwan long olketa hemi save talemaot mining blong tufala drim ya long hem.

Stori abaotem Job 15:24

Bikfala trabol hemi mekem hem fo fraet tumas. Olketa wari an trabol i olsem strongfala sif wea hemi redim ami fo kam faetem hem.

Stori abaotem Job 16:2

Mi herem finis olketa toktok olsem bifoa. Olketa toktok ya wea yutrifala talem fo helpem mi, hemi mekem trabol kasem mi.

Sams 105:15

Hemi tok olsem long olketa king ya, “Yufala mas no spoelem olketa man wea mi bin siusim, an yufala no duim eni nogud samting long olketa man blong mi fo toktok, Ebraham, Aesak an Jekob.”

Provebs 28:18

Man falom stretfala wei, bae hemi stap gud. Bat man falom ravis wei, bae hemi foldaon.

Daniel 2:12

Taem king hemi herem toktok ya nomoa, hemi barava kros tumas an hemi talem dat evri waes man long Babilon mas dae.

Hosia 14:9

(Profet) Man hu hemi waes mas savegud long olketa toktok ya wea mi talem, an hemi mas kipim gudfala insaet long haat blong hem. Evri wei blong Yawe hemi stret fogud. An olketa pipol hu i stret, olketa nomoa i falom disfala wei. Bat olketa pipol hu i agensim God i wikdaon an foldaon, bikos olketa nating tinghevi long olketa stretfala wei.

Sekaraea 2:12

Distrik long Jiuda bae hemi kamap spesol ples blong Yawe long holi lan blong hem. An bae hemi siusim moa Jerusalem olsem spesol taon fo hemi stap long hem.

Nambas 24:9

Yufala i olsem wanfala bikfala laeon wea hemi res. Ya, yufala olsem wanfala mere laeon wea hemi slip. Olketa fraet tumas fo wekapem hem. Sapos eniwan hemi blesim yufala long Israel, God bae hemi blesim hem. Bat sapos eniwan hemi toktok fo mekem trabol kasem yufala, God bae hemi mekem trabol fo kasem hem.”

Diutronomi 32:10

Yawe hemi faendem yufala long drae eria wea no eniwan save stap an wea win hemi blou olowe. Hemi gadem yufala, an hemi lukaftarem yufala. Hemi mekem yufala sef, bikos yufala spesol tumas long hem.