Esta 5:10 - Pijin Bible

¹⁰ Bat hemi holem nomoa kros blong hem, an go nao long haos blong hem. Bihaen, Haman hemi kolem olketa fren blong hem fo kam long hem, an hemi askem waef blong hem Seres, fo kam joenem olketa tu.

Pijin Deuterocanon

¹⁰ Bat hemi holem nomoa kros blong hem, an go nao long haos blong hem. Bihaen, Haman hemi kolem olketa fren blong hem fo kam long hem, an hemi askem waef blong hem Seres, fo kam joenem olketa tu.

Esta 5:10 ပူးပေါင်းရင်းမြစ်များ

Jenesis 45:1

Josef hemi no save haedem moa filing blong hem nao, an hemi filim olsem bae hemi krae long ae blong olketa slev blong hem, so hemi talem olketa fo go aotsaet. Taem olketa brata blong hem nomoa i stap wetem hem, hemi jes talemaot nao hu nao hem long olketa.

Esta 5:11

Hemi gohed fo haemapem hem seleva long ae blong olketa an hemi somaot long olketa wea hemi wanfala risman an hemi garem plande san, an king hemi mekem hem fo holem bikfala waka wea hemi garem hae nem. An hem nao hemi praeminista blong king, hu hemi hae moa winim olketa minista an olketa narafala bikman blong king.

Esta 6:13

Hemi stori abaotem evrisamting wea hemi hapen long hem, long waef blong hem Seres wetem olketa fren blong hem. Nao waef blong hem wetem olketa waes fren blong hem i tok olsem long hem, “Distaem Modekae hemi kamap an hemi garem moa paoa winim yu nao, an yu lusim nao paoa blong yu. An bikos hemi man blong Jiu, yu no save winim hem. Bae hemi mas winim yu nao.”

Eklesiastes 7:9

Hemi nogud fo yu kros kuiktaem, bikos hem nao wei blong krangge man.