Esta 4:8 - Pijin Bible

⁸ Hemi tekem wanfala kopi long strongfala toktok ya blong king, wea hemi talem dat bae olketa pipol i kilim dae evri pipol blong Jiu, an hemi givim kopi ya long Hatak. Hemi talem hem fo talem evrisamting ya long Kuin Esta. An Modekae hemi talem hem tu dat Kuin Esta mas go an askem king fo hemi sore long olketa pipol blong hem.

Pijin Deuterocanon

⁸ Hemi tekem wanfala kopi long strongfala toktok ya blong king, wea hemi talem dat bae olketa pipol i kilim dae evri pipol blong Jiu, an hemi givim kopi ya long Hatak. Hemi talem hem fo talem evrisamting ya long Kuin Esta. An Modekae hemi talem hem tu dat Kuin Esta mas go an askem king fo hemi sore long olketa pipol blong hem.

Esta 4:8 ပူးပေါင်းရင်းမြစ်များ

Esta 2:20

Esta hemi nating talemaot yet wea hemi wanfala Jiu, bikos Modekae hemi talem hem finis fo no talemaot long eniwan. Hemi gohed yet fo obeim Modekae, barava olsem wea hemi bin gohed fo duim bifoa, long taem wea hemi smolfala gele yet, an Modekae bin gohed fo lukaftarem hem.

Esta 4:9

So, Hatak hemi go an duim nao wanem Modekae hemi talem long hem.

Esta 8:6

King, sapos datfala plan hemi gohed, bae mi sore tumas, bikos bae olketa kilim dae olketa pipol blong mi an olketa laen blong mi. Hemi moabeta fo mi mas dae wetem olketa tu.”

Stori abaotem Job 9:15

Nomata mi no duim eni nogud samting bat mi no save talem go eni toktok long hem. Hem nao jaj blong mi, an mi mas askem nomoa fo hemi kaen long mi.

Sams 122:6

Yumi mas prea fo olketa pipol long Jerusalem mekem olketa save garem piis. Ya, yumi mas prea olsem, “Lod Yawe, hemi gud tumas sapos yu mekem olketa hu i lavem yu fo stap gudfala.

Provebs 21:1

Olsem Yawe hemi mekem riva ran long ples hemi laekem, hemi save kontrolem tingting blong lida.

Eklesiastes 10:4

Sapos wanfala lida hemi kros long yu, yu no lusim waka blong yu, sapos yu stap kuaet nomoa, bae hemi fogivim yu nomoa.

Aposol 12:20

Nao Herod hemi bin kros tumas wetem olketa pipol blong tufala taon long Taea an Saedon. So olketa bikman blong tufala taon ya i joen tugeta fo go lukim Herod, bikos olketa nao mas peim kaikai blong olketa long kantri wea Herod hemi rulim. Fastaem, olketa go suitim Blastas, hu hemi bos blong haos blong king, mekem hemi helpem olketa. An bihaen, olketa go askem Herod fo hemi mas no kros long olketa moa.

1 Timoti 6:13

Long ae blong God hu hemi save givim laef long evrisamting, an long ae blong Jisas Kraes hu hemi bin talemaot barava strongfala biliv blong hem long taem Pontias Paelat hemi jajem hem, mi tokstrong long yu.

1 Timoti 6:17

Olketa pipol hu i garem plande risis long wol ya, yu mas talemaot strong long olketa fo olketa mas no praod tumas. Olketa mas no putum trast blong olketa long olketa samting wea hemi save lus enitaem, bat olketa mas putum trast blong olketa long God nomoa. Hem nao hemi save givim kam evri gudfala samting fo mekem yumi stap hapi.