Esta 3:6 - Pijin Bible

⁶ An taem hemi herem dat Modekae hemi wanfala Jiu, hemi plan fo kilim dae Modekae wetem evri Jiu hu i stap insaet long kingdom blong King Sekses.

Pijin Deuterocanon

⁶ An taem hemi herem dat Modekae hemi wanfala Jiu, hemi plan fo kilim dae Modekae wetem evri Jiu hu i stap insaet long kingdom blong King Sekses.

Esta 3:6 ပူးပေါင်းရင်းမြစ်များ

Esra 4:6

Bihaen plande yia hemi pas, long taem wea King Sekses hemi stat fo rul ovarem Pesia, olketa enemi blong olketa pipol blong Jerusalem an Jiuda, i raetem wanfala leta long king ya fo agensim olketa.

Esta 9:25

Bat taem king hemi herem disfala ravis plan, hemi mekem narafala toktok wea disfala plan blong Haman fo kilim dae olketa Jiu, mas kasem hem seleva. Dastawe nao olketa hangem Haman an olketa san blong hem long ples fo hangem man long hem.

Sams 83:4

Olketa enemi ya i tok olsem, “!Yumi go nao mekem yumi spoelem finis kantri blong olketa ya! !Ya, mekem no eniwan save tingim Israel moa!”

Sams 83:5

Olketa wanmaen nao long plan blong olketa, an i joen tugeta nao fo agensim yu.

Jeremaea 33:24

“?Waswe, yu herem olketa toktok wea pipol blong olketa narafala kantri i gohed fo talem? Olketa tok olsem, ‘Fastaem Yawe hemi siusimaot olketa blong Israel an olketa blong Jiuda fo kamap spesol pipol blong hem. Bat distaem, hemi les long olketa finis.’ So olketa lukdaonem olketa pipol blong mi, an olketa no save tingting wea yufala i wanfala pipol nomoa.

Revelesin 12:12

So yufala evriwan long heven, yufala mas hapi. !Bat sore tumas long evriwan hu i stap long graon an long si! Bikos Devol ya hemi bin kamdaon long yufala finis an hemi barava kros tumas ya, bikos hemi save dat lelebet taem nomoa hemi stap yet fo hem.”