Esta 2:7 - Pijin Bible

⁷ Modekae hemi garem wanfala kasin sista wea nem blong hem nao Esta, bat long langguis blong olketa Jiu, olketa kolem hem Hadasa. An hemi wanfala gele hu hemi barava luknaes fogud. An taem dadi an mami blong hem i dae, Modekae nao hemi adoptem hem. Dadi ya blong Esta, nem blong hem nao Abihael. Hemi wanfala angkol blong Modekae.

Pijin Deuterocanon

⁷ Modekae hemi garem wanfala kasin sista wea nem blong hem nao Esta, bat long langguis blong olketa Jiu, olketa kolem hem Hadasa. An hemi wanfala gele hu hemi barava luknaes fogud. An taem dadi an mami blong hem i dae, Modekae nao hemi adoptem hem. Dadi ya blong Esta, nem blong hem nao Abihael. Hemi wanfala angkol blong Modekae.

Esta 2:7 ပူးပေါင်းရင်းမြစ်များ

Jenesis 48:5

An hemi tok moa olsem, “Josef, tufala pikinini blong yu ya wea i bon long hia fastaem, taem wea mi no kam long hia yet, tufala ya i pikinini blong mi nao. Mi lukim Efrem wetem Manase, olsem tufala i barava pikinini blong mi nao, olsem tufala pikinini blong mi ya Ruben an Simion.

Esta 1:11

Hemi sendem olketa fo go talem waef blong hem Kuin Vasti fo werem spesol kraon blong hem, an kam stanap frant long hem, bikos hemi laekem olketa bikman blong hem wetem olketa pipol hu i stap long fist ya fo lukim hem, bikos hemi luknaes tumas.

Esta 2:15

Long mekten mans, wea nem blong hem nao Tebet, long mekseven yia wea King Sekses hemi rul, hemi kasem taem nao fo olketa tekem go Esta fo go an stap wetem king. Gele ya hemi barava luknaes fogud, an olketa pipol hu i lukim hem, i hapi tumas long hem. Long taem ya, hemi werem nomoa olketa kaleko wea Hagae hemi talem long hem fo werem. Esta hemi go lukim king nao, an king hemi barava laekem hem tumas winim evri narafala gele ya. So, hemi putum spesol kraon blong kuin long hed blong hem, an hemi mekem hem fo sensim Kuin Vasti. Bihaen, king hemi mekem wanfala bikfala fist fo mekhae long niu waef blong hem, Kuin Esta, an hemi kolem olketa minista wetem olketa narafala bikman blong hem fo kam long fist ya. An hemi givim olketa gudfala presen wea king save givim go long olketa pipol blong hem, an hemi talemaot dat evri pipol insaet long kingdom ya, bae i garem holide.

Esta 2:20

Esta hemi nating talemaot yet wea hemi wanfala Jiu, bikos Modekae hemi talem hem finis fo no talemaot long eniwan. Hemi gohed yet fo obeim Modekae, barava olsem wea hemi bin gohed fo duim bifoa, long taem wea hemi smolfala gele yet, an Modekae bin gohed fo lukaftarem hem.

Esta 8:1

Long sem de, king hemi givim Esta evrisamting blong Haman, disfala enemi blong olketa Jiu. An Esta hemi talem king wea hemi kasin sista blong Modekae. So king hemi letem Modekae fo kam insaet long haos blong hem.

Stori abaotem Job 31:17

Evritaem mi givim kaikai long olketa pikinini wea dadi blong olketa i dae finis.

Stori abaotem Job 31:18

Oltaem long laef blong mi, mi nao mi lukaftarem olketa hu i no garem dadi, an mi sapotem olketa wido.

2 Korin 6:18

An mi nao bae mi olsem Dadi blong yufala, an bae yufala nao olketa san an dota blong mi. Mi God wea mi garem evri paoa nao mi talem diswan.”

Efesas 6:4

Yufala olketa dadi, yufala mas no mekem olketa pikinini blong yufala fo kamap kros tumas. Bat yufala mas lukaftarem olketa gud an tisim olketa long wei blong Masta.

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.