Esta 2:22 - Pijin Bible

²² Bat Modekae hemi faendemaot plan ya, an hemi talem Kuin Esta abaotem datfala samting. Bihaen, Esta hemi sendem go mesij long king.

Pijin Deuterocanon

²² Bat Modekae hemi faendemaot plan ya, an hemi talem Kuin Esta abaotem datfala samting. Bihaen, Esta hemi sendem go mesij long king.

Esta 2:22 ပူးပေါင်းရင်းမြစ်များ

Esta 7:9

An wanfala long olketa wea nem blong hem Habona, hemi tok olsem, “King. Man ya hemi mekem finis wanfala ples fo hangem man long hem, kolsap long haos blong hem, wea hae blong hem hemi kasem tuenti-faev mita. Hemi bin mekem fo hangem Modekae long hem. Bat Modekae nao bin sevem laef blong yu.” So, king hemi tok olsem, “!Oraet! !Yufala go an hangem Haman long hem!”

Eklesiastes 10:20

No tingting fo tokspoelem bikman. Nomata yu stap insaet long bedrum blong yu, bat yu mas no toknogud long olketa risman. Nogud wanfala bed nomoa hemi herem, an go talemaot toktok blong yu long olketa ya.

Leta wea Pol hemi raetem go long sios long Rom 11:33

!God hemi gud tumas long evriwan, an save blong hem hemi bikfala tumas an tingting blong hem hemi waes tumas! !Yumi no luksave long tingting blong hem, yumi no save minimgud olketa wei blong hem!

Filipae 2:4

An yufala mas no tingting long wanem hemi gud fo yufala seleva nomoa, bat yufala mas tingting long wanem nao hemi gud fo nara pipol.