Esta 2:13 - Pijin Bible

¹³ Taem wanfala gele hemi redi fo lusim haos blong olketa fo go stap wetem king, hemi save tekem enisamting wea hemi laekem long olketa nambawan kaleko an olketa narafala samting moa wea hemi barava luk spesol fogud.

Pijin Deuterocanon

¹³ Taem wanfala gele hemi redi fo lusim haos blong olketa fo go stap wetem king, hemi save tekem enisamting wea hemi laekem long olketa nambawan kaleko an olketa narafala samting moa wea hemi barava luk spesol fogud.

Esta 2:13 ပူးပေါင်းရင်းမြစ်များ

Esta 2:11

An evri de nomoa, Modekae save wakabaot frant long haos ya, mekem hemi save dat Esta hemi stap gudfala o nomoa, an fo save long wanem nao bae hemi hapen long hem.

Esta 2:12

An olketa gele ya i gohed fo wanfala yia, fo mekem bodi blong olketa hemi luknaes. Long fas siks mans, olketa gohed fo rabem gudfala oel wea hemi smel naes tumas long bodi blong olketa, an long mektu siks mans, olketa gohed fo rabem narakaen gudfala oel moa wea hemi smel naes tumas. Bihaen, Hagae hemi tekem olketa gele ya, wanfala long wanfala taem fo go stap wetem king.

Esta 2:14

Hemi go stap wetem king fo wanfala naet, an long moning, olketa tekem hem go fo stap wetem olketa namba tu waef blong king long haos blong olketa, wea Saasgas hu hemi wakaman blong king nao hemi lukaftarem. Gele ya save gobaek nomoa fo lukim moa king, sapos king hemi laekem hem tumas, an hemi talem kam nem blong hem.