Esta 2:10 - Pijin Bible

¹⁰ Esta hemi nating talemaot dat hemi wanfala Jiu, bikos Modekae hemi advaesim hem finis fo no talemaot.

Pijin Deuterocanon

¹⁰ Esta hemi nating talemaot dat hemi wanfala Jiu, bikos Modekae hemi advaesim hem finis fo no talemaot.

Esta 2:10 ပူးပေါင်းရင်းမြစ်များ

Esta 2:11

An evri de nomoa, Modekae save wakabaot frant long haos ya, mekem hemi save dat Esta hemi stap gudfala o nomoa, an fo save long wanem nao bae hemi hapen long hem.

Esta 2:20

Esta hemi nating talemaot yet wea hemi wanfala Jiu, bikos Modekae hemi talem hem finis fo no talemaot long eniwan. Hemi gohed yet fo obeim Modekae, barava olsem wea hemi bin gohed fo duim bifoa, long taem wea hemi smolfala gele yet, an Modekae bin gohed fo lukaftarem hem.

Esta 2:7

Modekae hemi garem wanfala kasin sista wea nem blong hem nao Esta, bat long langguis blong olketa Jiu, olketa kolem hem Hadasa. An hemi wanfala gele hu hemi barava luknaes fogud. An taem dadi an mami blong hem i dae, Modekae nao hemi adoptem hem. Dadi ya blong Esta, nem blong hem nao Abihael. Hemi wanfala angkol blong Modekae.

Esta 3:8

Haman hemi tok olsem long King Sekses, “King. Wanfala grup long pipol wea hemi stap long olketa kantri wea yu rul ovarem, an long evri provins, wea olketa kastom wei blong olketa hemi deferen tumas from olketa kastom blong evri narafala man. Olketa ya i nating obeim nomoa olketa lo blong yu, an sapos yu letem olketa fo stap olsem, bae olketa mekem bikfala trabol fo yu.

Esta 7:4

Wanfala man bin peimaot finis olketa pipol blong mi mekem hemi save kilim mifala evriwan dae. Sapos hemi bin peimaot mifala fo waka olsem slev nomoa, bae mi save stap kuaet, an mi no save mekem trabol fo yu olsem. Bat hemi planem fo kilim mifala evriwan dae.”

Matiu 10:16

An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.

Efesas 6:1

Yufala olketa pikinini, bikos yufala i Kristin, yufala mas obeim mami an dadi blong yufala. Diskaen wei ya hemi stret.

Stori abaotem Rut 3:6

So Rut hemi godaon long ples ya wea olketa klinimaot skin blong bali an hemi duim evrisamting wea Neomi bin talem long hem.