Esra 8:33 - Pijin Bible

³³ Long mekfoa de, mifala go long Tambuhaos blong God, an mifala skelem olketa silva, an olketa gol, an olketa narafala samting ya, nao mifala givim evrisamting ya go long Prist Meremot, san blong Yuraea. Trifala man moa i stap wetem hem long taem ya, wea i Prist Eleasa, san blong Finehas, an tufala Livaet, wea nem blong tufala nao, Josabad, san blong Jesua, an Noadaea, san blong Binui.

Pijin Deuterocanon

³³ Long mekfoa de, mifala go long Tambuhaos blong God, an mifala skelem olketa silva, an olketa gol, an olketa narafala samting ya, nao mifala givim evrisamting ya go long Prist Meremot, san blong Yuraea. Trifala man moa i stap wetem hem long taem ya, wea i Prist Eleasa, san blong Finehas, an tufala Livaet, wea nem blong tufala nao, Josabad, san blong Jesua, an Noadaea, san blong Binui.

Esra 8:33 ပူးပေါင်းရင်းမြစ်များ

Esra 10:23

Long olketa Livaet: Josabad, an Simei, an Petahaea, an Jiuda, an Eliesa, an Kelaea wea narafala nem blong hem Kelita.

Esra 2:40

Olketa Livaet long laen blong Jesua, an long laen blong Kadmiel wea i bon kam long laen blong Hodavaea, namba blong olketa nao hemi kasem 74.

Esra 8:25

Nao mi skelem olketa silva, an olketa gol, an olketa samting fo yusim fo wosip, wea king wetem olketa advaesa an olketa bikman blong hem, an olketa laen blong Israel wea i stap long Babilonia, olketa bin givim fo yusim long Tambuhaos blong God blong yumi. Nao mi givim olketa samting ya go long olketa prist an olketa Livaet ya, mekem olketa lukaftarem long rod.

Esra 8:26

Olketa samting wea mi givim long olketa i olsem: Silva, wea hevi blong hem hemi kasem 22,100 kilo. Olketa samting wea olketa wakem long silva, wea hevi blong olketa hemi kasem 3,400 kilo. Gol, wea hevi blong hem hemi kasem 3,400 kilo.

Esra 8:29

Yufala mas lukaftarem olketa samting ya, go-go yufala kasem Tambuhaos long Jerusalem. Long ples ya, long rum blong olketa prist, yufala mas skelem long ae blong olketa lida blong olketa prist ya, wetem olketa lida blong olketa Livaet, an olketa hed blong olketa laen blong Israel, nao yufala mas givim go long olketa.”

Esra 8:30

So olketa prist an olketa Livaet i tekem olketa silva an gol samting ya wea mi bin skelem, mekem olketa karim go long Tambuhaos blong God blong yumi long Jerusalem.

Esra 8:34

Olketa samting ya, mifala kaontem, an mifala skelem, fo meksua wea evrisamting ya hemi stap. An olketa raetemdaon namba an hevi blong olketa samting long sem taem.

Nehemaea 10:10

wetem olketa wantok blong olketa: Sebanaea, an Hodaea, an Kelita, an Pelaea, an Hanan,

Nehemaea 10:9

Olketa Livaet hu i putum spesol mak long pepa ya, hemi olsem: Jesua, san blong Asanaea, an Binui, hu hemi wanfala long olketa san blong Henadad, an Kadmiel,

Nehemaea 3:21

Meremot, san blong Yuraea, wea grani blong hem nao Hakos, hemi wakem neks haf blong hem. Hemi stat long frant long haos blong Eliasib, go kasem saet go long haos ya.

Nehemaea 3:24

Binui, san blong Henadad, hemi wakem neks haf, wea hemi mektu haf wea man ya hemi waka long hem. Disfala haf hemi stat long haos ya blong Asaraea, go kasem ples wea wolston ya hemi garem narafala kona long hem.

Nehemaea 3:4

Meremot, san blong Yuraea, wea grani blong hem nao Hakos, hemi wakembaek moa neks haf blong wolston ya. Mesulam, san blong Berekaea, wea grani blong hem nao Mesesabel, hemi wakem neks haf blong hem. An Sadok, san blong Baana, hemi wakem neks haf blong hem.

Nehemaea 8:7

Taem olketa pipol i stanap long open eria ya, olketa Livaet wea nem blong olketa nao Jesua, an Bani, an Serebaea, an Jamin, an Akub, an Sabetae, an Hodaea, an Maasea, an Kelita, an Asaraea, an Josabad, an Hanan, an Pelaea, olketa ya i helpem olketa pipol fo minim Lo ya.