Esra 6:14 - Pijin Bible

¹⁴ So, olketa lida blong olketa Jiu i gohed gudfala long waka ya, falom olketa profesi blong Profet Hagae wetem Profet Sekaraea, hu hemi long laen blong Ido. Olketa finisim Tambuhaos ya, olsem wea God blong Israel bin talem, an olsem wea King Saeras, an King Darias, an King Atasekses bin talem long taem wea trifala ya bin king blong Pesia.

Pijin Deuterocanon

¹⁴ So, olketa lida blong olketa Jiu i gohed gudfala long waka ya, falom olketa profesi blong Profet Hagae wetem Profet Sekaraea, hu hemi long laen blong Ido. Olketa finisim Tambuhaos ya, olsem wea God blong Israel bin talem, an olsem wea King Saeras, an King Darias, an King Atasekses bin talem long taem wea trifala ya bin king blong Pesia.

Esra 6:14 ပူးပေါင်းရင်းမြစ်များ

Esra 3:8

Long mektu mans blong mektu yia bihaen long taem olketa bin kambaek long ples wea olfala Tambuhaos hemi stap long hem bifoa, olketa stat fo wakembaek moa Tambuhaos ya. Serababel, san blong Sealtiel, an Jesua, san blong Jehosadak, wetem olketa prist an olketa Livaet, an evri narafala pipol hu i kambaek long Jerusalem, i joen tugeta fo duim waka ya. Olketa lida i siusim olketa Livaet hu i kasem mektuenti yia blong olketa, fo kamap bos ovarem olketa waka ya fo bildimbaek moa Tambuhaos blong Yawe.

Esra 4:24

From samting ya nao, disfala waka fo bildimbaek moa Tambuhaos blong God long Jerusalem, hemi barava stop nao, an hemi gohed olsem, wea olketa no waka long hem go-go kasem mektu yia wea King Darias hemi rul ovarem Pesia.

Esra 4:3

Bat Serababel an Jesua wetem olketa hed blong olketa laen ya i tok olsem long olketa, “Mifala long Israel nomoa i pipol blong Yawe, an yufala kanduit joenem mifala long disfala waka fo bildimbaek moa Tambuhaos long God blong mifala. Bae mifala nomoa i wakem Tambuhaos ya blong Yawe, olsem wea King Saeras blong Pesia hemi talem long mifala.”

Esra 5:1

Long datfala taem, Profet Hagae, an Profet Sekaraea, hu hemi long laen blong Ido, wea tufala i profet long olketa Jiu long Jerusalem an olketa narafala pat blong Jiuda, tufala talemaot profesi long olketa long nem blong God blong Israel.

Esra 5:13

“ ‘Bihaen, long fas yia wea King Saeras hemi rul long Babilonia, king ya hemi givimaot strongfala toktok fo wakembaek moa disfala Tambuhaos blong God.

Esra 5:2

Taem tufala Serababel, san blong Sealtiel, an Haeprist Jesua, san blong Jehosadak, i herem olketa profesi ya, tufala statem moa disfala waka long Tambuhaos ya blong God long Jerusalem. An tufala profet ya blong God i helpem olketa.

Esra 6:3

“Long fas yia wea King Saeras hemi rul long Babilonia, hemi givimaot strongfala toktok abaotem Tambuhaos blong God long Jerusalem, wea hemi olsem: ‘Mi laekem olketa fo wakembaek moa disfala Tambuhaos long Jerusalem, mekem olketa pipol save bonem olketa sakrifaes, an fo givim olketa ofaring go long God blong olketa. Olketa mas putum faondesin blong hem. An hae blong hem hemi mas kasem tuenti-seven mita, an waed blong hem tu hemi mas kasem tuenti-seven mita.

Esra 6:8

“Mi givimaot strongfala toktok long yufala long wanem yufala mas duim fo helpem olketa lida blong olketa Jiu fo wakembaek moa disfala Tambuhaos. Seleni wea olketa nidim fo waka ya, yufala mas givim kuiktaem long olketa, from olketa taks wea yumi tekem long provins ya long west saet blong Yufretis Riva, mekem waka hemi save gohed gudfala.

Esra 7:1

Plande yia hemi pas, an King Atasekses hemi rul ovarem Pesia. Long datfala taem, wanfala prist hemi stap wea nem blong hem nao Esra. Hemi bon kam long laen blong fas Haeprist blong Israel. Laen ya nao hemi olsem: Esra, Seraea, Asaraea, Hilkaea, Salum, Sadok, Ahitub, Amaraea, Asaraea, Meraeot, Serahaea, Usi, Buki, Abisua, Finehas, Eleasa, Eron hu hemi fas Haeprist nao.

Esra 9:9

Mifala stap olsem slev, bat yu God blong mifala, yu no lusim mifala. Yu tinghevi tumas long mifala, mekem king blong Pesia hemi helpem mifala, olsem wea hemi givim niu laef long mifala. Hemi helpem mifala fo save wakembaek moa Tambuhaos blong yu, wea olketa enemi blong mifala bin spoelem. An hemi gadem mifala from olketa enemi, olsem wea hemi wakem bikfala wolston raonem Jerusalem an olketa narafala ples long Jiuda.

Nehemaea 6:15

Olketa waka long bikfala wolston ya hemi finis long mektuenti-faev de long mans long Elul, an mifala bin waka fo fifti-tu de long hem.

Aesaea 44:28

Nomata hemi wanfala hae king, mi nomoa mi talem King Saeras fo lukaftarem olketa pipol long nem blong mi, an bae hemi duim wanem mi laekem. Ya, bae hemi tokstrong long olketa pipol fo bildimbaek moa Jerusalem an Tambuhaos.”

Hagae 1:1

Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Hagae 1:8

Distaem yufala mas go long bus fo katem olketa timba, an kambaek fo bildim moa Tambuhaos blong mi. Long wei olsem, bae mi save hapi, an bae yufala save mekhae long mi.

Sekaraea 1:1

Long mekeit mans blong mektu yia wea King Darias hemi rul ovarem Pesia, Yawe hemi talemaot Mesij blong hem long Profet Sekaraea, san blong Berekaea, an grani blong Ido. Hemi tok olsem,

Sekaraea 1:16

?Dastawe nao Yawe, hemi tok olsem, ?Bae mi kambaek long Jerusalem, fo somaot sore blong mi fo olketa. An bae olketa bildimbaek moa Tambuhaos blong mi, an wakem gudfala disfala taon ya tu.?

Sekaraea 4:9

?Serababel hem seleva nao hemi putum faondesin blong Tambuhaos ya, an bae hem seleva nao hemi finisim tu waka long haos ya. Distaem samfala pipol i tingdaonem olketa smolfala samting wea olketa wakaman i duim, bikos waka ya hemi gohed slou nomoa. Bat taem olketa lukim dat Serababel nao hemi mekem las ston blong Tambuhaos ya fo hemi stret, bae olketa hapi tumas.? Den mi gohed fo tok olsem, ?Serababel, taem olketa samting ya i hapen, bae yu save dat Yawe hu hemi garem evri paoa hemi sendem mi long yufala.? Nao enjel ya hemi ansarem kuestin blong mi olsem, ?Sevenfala lam ya i olsem sevenfala ae blong Yawe, wea i save lukluk long evri ples long disfala wol.?

Sekaraea 8:9

Yawe hemi gohed fo tok olsem, ?Olketa blong Israel. Yufala hu i herem moa toktok ya wea olketa profet bin talemaot long taem wea olketa pipol bin mekem faondesin blong Tambuhaos blong mi Yawe hu mi garem evri paoa, yufala mas strongim tingting blong yufala, mekem yufala save finisim waka long haos ya.