Esra 5:12 - Pijin Bible

¹² Bat bikos olketa grani blong mifala bifoa i mekem God ya blong heven hemi kros, hemi letem King Nebukadnesa blong Babilonia, hu hemi man blong Kaldia nao, fo winim mifala an tekova long lan blong mifala. Hemi brekemdaon Tambuhaos ya finis, an hemi fosim olketa olo blong mifala fo lusim lan, an fo go stap long Babilonia.

Pijin Deuterocanon

¹² Bat bikos olketa grani blong mifala bifoa i mekem God ya blong heven hemi kros, hemi letem King Nebukadnesa blong Babilonia, hu hemi man blong Kaldia nao, fo winim mifala an tekova long lan blong mifala. Hemi brekemdaon Tambuhaos ya finis, an hemi fosim olketa olo blong mifala fo lusim lan, an fo go stap long Babilonia.

Esra 5:12 ပူးပေါင်းရင်းမြစ်များ

2 Kings 24:2

Nao Yawe hemi sendem ami blong Babilonia, an ami blong Siria, an ami blong Moab, an ami blong Amon fo go faetem King Jehoeakim. Olketa ami ya i kam fo spoelem Jiuda falom Mesij blong Yawe wea olketa profet blong hem i bin talem bifoa.

2 Kings 25:1

So, long meknaen yia wea King Sedekaea hemi king long Jiuda, long mekten mans long mekten de blong hem, King Nebukadnesa blong Babilonia wetem ami blong hem i kam fo faet agensim Jerusalem. Olketa ya i kam stap aotsaet long Jerusalem, an olketa hipimap graon raonem bikfala wolston blong hem, mekem olketa haed bihaenem fo faet.

2 Kronikols 36:20

Olketa fosim olketa pipol hu i laef yet fo go long Babilonia. Olketa go waka olsem slev blong king an olketa long laen blong hem. Hemi olsem go kasem taem wea King blong Pesia hemi rul ovam olketa.

Sams 106:40

Nao from olketa samting ya, Yawe hemi nating hapi long olketa, an hemi kros tumas long olketa.

Aesaea 47:6

“Bifoa, mi bin kros long olketa pipol blong mi, an mi bin mekem olketa fo no holi moa. Mi bin putum olketa andanit long paoa blong yu, bat yu spoelem olketa nomoa, an yu nating sore nomoa long olketa. Nomata olketa olo blong olketa ya, yu barava mekem olketa safa tumas.

Jeremaea 5:29

?Waswe, yufala tingse bae mi no save panisim yufala fo olketa ravis samting ya? Nomoa ya, mi mas panisim diskaen pipol olsem yufala.

Jeremaea 51:59

Profet Jeremaea hemi sendem mesij go long Babilonia. Hemi givim mesij ya long Seraea, san blong Neraea hu hemi san blong Maasea. Seraea ya hemi wanfala man blong King Sedekaea. Long mekfoa yia wea King Sedekaea hemi rul ovarem Jiuda, Seraea hemi mekredi fo go long Babilonia wetem king ya.

Jeremaea 52:12

Long meknaentin yia wea king Nebukadnesa hemi king long Babilonia, long mekfaev mans, an long mekten de blong hem, Nebusaradan hu hemi komanda long spesol ami blong king, hemi kasem Jerusalem.

Daniel 9:5

“Mifala sin an mifala kamap nogud tumas. Mifala duim olketa ravis samting, an mifala gohed fo agensim yu. Mifala no falom olketa strongfala toktok blong yu an olketa lo blong yu.

Diutronomi 31:17

So taem olketa duim olsem, bae mi kros long olketa, an bae mi lusim olketa. Bae mi haed long olketa, an plande samting bae hemi kam spoelem olketa. Bae olketa garem plande bikfala trabol, an taem olketa nogud samting i kam kasem olketa, bae olketa jes save dat mi no stap wetem olketa.

Diutronomi 32:30

Tingabaotem kuestin blong mi. ?Hao nao wanfala enemi soldia nomoa, hemi save winim 1,000 man blong yufala? ?Hao nao tufala enemi soldia nomoa, save ronem 10,000 man blong yufala? Yufala mas luksave long hem. Samting olsem hemi kamap bikos Yawe, disfala sefples blong yufala, hemi lusim yufala.

Jajis 2:14

Bikos Yawe hemi kros tumas long olketa, hemi putum olketa long han blong olketa enemi hu i stap raonem olketa. Nao olketa enemi ya i kamap strong tumas an pipol blong Israel i no save gadem olketa seleva. An olketa enemi i gohed fo stilim evrisamting blong olketa.

Jajis 4:2

So, Yawe hemi mekem Sif Jabin fo rul ovarem olketa. Sif ya hemi wanfala sif long Kenan. Taon blong hem nao Hasoa, an nem blong lida blong olketa soldia blong hem nao Sisera. Lida ya hemi kam from Haroset-Ha-Goeim.

Jajis 6:1

Nao pipol blong Israel i gohed fo duim olketa nogud samting moa agensim Yawe, an from samting ya, hemi mekem laen blong Midian i mekful long olketa long Israel fo sevenfala yia.