Esra 4:19 - Pijin Bible

¹⁹ Mi talem olketa wakaman blong mi fo sekap long disfala bisnis, an olketa faendemaot wea olketa toktok wea yufala bin talem hemi tru. Stat kam long bifoa ka-kam kasem tude, olketa pipol blong datfala taon i gohed fo agensim evri king hu i rul ovarem olketa, an olketa ya i gohed fo mektrabol olowe nao.

Pijin Deuterocanon

¹⁹ Mi talem olketa wakaman blong mi fo sekap long disfala bisnis, an olketa faendemaot wea olketa toktok wea yufala bin talem hemi tru. Stat kam long bifoa ka-kam kasem tude, olketa pipol blong datfala taon i gohed fo agensim evri king hu i rul ovarem olketa, an olketa ya i gohed fo mektrabol olowe nao.

Esra 4:19 ပူးပေါင်းရင်းမြစ်များ

2 Kings 18:7

Yawe hemi stap wetem hem, an hemi mekem hem barava gohed gudfala long evrisamting hemi duim. Nao Hesekaea hemi agensim king blong Asiria, an hemi no obeim king ya.

2 Kings 24:20

Nao bikos Yawe hemi kros tumas long pipol blong Jerusalem an olketa narafala pipol blong Jiuda, go-go-go hemi raosim olketa, mekem olketa no stap wetem hem. Oraet, King Sedekaea hemi agensim king blong Babilonia.

Esra 4:15

mekem yu save talem olketa wakaman blong yu fo lukaotem olketa ripot abaotem disfala taon insaet long olketa buk wea olketa grani blong yu bifoa bin raetemdaon. Sapos yu duim olsem, bae yu faendemaot wea olketa pipol blong taon ya, oltaem olketa gohed fo agensim olketa hu i rul ovarem olketa. Disfala ravis wei blong olketa hemi stat kam long taem bifoa ka-kam kasem tude, an olketa ya i gohed fo mektrabol long olketa king an olketa lida blong provins ya olowe nomoa. Oltaem hemi had tumas fo rul ovarem olketa, dastawe nao olketa ami bifoa bin spoelem taon ya.

Esra 4:18

“Leta ya wea yufala sendem kam, taem olketa ridim long mi nao, olketa tanem kam long langguis blong mi.

Esra 4:20

Bifoa, samfala king long Jerusalem i garem bikfala paoa, an olketa rul ovarem sem bikfala eria long disfala provins long west saet blong Yufretis Riva. An oltaem olketa bin tekem evri kaen taks from olketa pipol blong provins ya.

Esra 5:17

“King. Sapos yu fil hapi fo duim nomoa, bae yu talem olketa wakaman blong yu fo luklukgud long olketa rekod buk ya blong Babilon, fo faendemaot hemi tru wea King Saeras nao bin givimaot disfala strong toktok fo wakembaek moa Tambuhaos ya long Jerusalem, o nomoa. An taem olketa faendemaot wea hemi tru o nomoa, plis yu sendem mesij long mifala fo talem mifala wanem nao tingting blong yu long disfala bisnis.”

Provebs 25:2

Yu tinghae long God bikos hemi haedem samting. Yu tinghae long lida bikos hemi faendemaot samting.

Diutronomi 13:14

Disfala wei hemi barava nogud tumas. So sapos yufala herem wanfala toktok olsem, bae yufala mas ask abaotem an faendemaot olsem datfala toktok hemi tru o nomoa. Sapos hemi tru,