Esra 3:6 - Pijin Bible

⁶ Long wei ya nao, nomata olketa no stat yet fo wakembaek moa Tambuhaos, bat long fas de blong mekseven mans ya, olketa stat fo mekem olketa sakrifaes wea hemi barava bone fo mekem wosip long Yawe.

Pijin Deuterocanon

⁶ Long wei ya nao, nomata olketa no stat yet fo wakembaek moa Tambuhaos, bat long fas de blong mekseven mans ya, olketa stat fo mekem olketa sakrifaes wea hemi barava bone fo mekem wosip long Yawe.

Esra 3:6 ပူးပေါင်းရင်းမြစ်များ

Esra 3:5

Bihaen long bikde ya, olketa gohed fo mekem olketa sakrifaes wea hemi barava bone long evri moning an long evri ivining fo mekem wosip long Yawe. An olketa gohed fo mekem sakrifaes long olketa Fist blong Niumun, an long evri narafala bikde blong Yawe. Olketa givim tu olketa sakrifaes fo mekem wosip long Yawe falom wanem olketa laekem.

Esra 3:7

Bihaen, olketa pipol i givim seleni fo peim olketa kapenta wetem olketa man hu i savegud hao fo katem ston. An olketa sendem kaikai, an waen, an oliv oel go long tufala taon long Taea an Saedon, fo peim olketa sida tri blong Lebanon fo wakem Tambuhaos long hem, olsem King Saeras blong Pesia bin talem. Olketa save putum olketa tri ya long solwata, fo sendem kamdaon long bikfala haba ya long Jopa.

Levitikas 23:24

“Talem olketa long Israel, wea evri yia, long mekseven mans long fas de blong hem, yufala mas kipim de ya hemi holi an res nomoa long hem. Taem yufala herem trampet hemi krae bikfala fo makem disfala bikde, yufala evriwan mas kam tugeta fo wosipim mi.

Levitikas 23:25

Long disfala bikde, yufala mas no duim eni waka. An yufala mas ofarem wanfala sakrifaes fo givim kam olsem tambu samting long mi Yawe.”

Nambas 29:1

Yawe hemi gohed fo tok olsem, “Evri yia, long mekseven mans long fas de blong hem, hemi wanfala holi de wea yufala mas kam tugeta fo wosipim mi. An long disfala de tu yufala mas no waka. Hem nao bikde fo bloum trampet.

Nambas 29:2

An long disfala bikde, yufala mas bonem olketa sakrifaes wea gudfala smel blong hem hemi mekem mi hapi tumas. Olketa sakrifaes ya i olsem: wanfala yangfala man buluka, an wanfala man sipsip, an sevenfala smolfala man sipsip wea i kasem wan yia. Olketa animol mas no garem enisamting rong long bodi blong olketa.