Esra 2:2 - Pijin Bible

² Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Seraea, an Reelaea, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

Pijin Deuterocanon

² Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Seraea, an Reelaea, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

Esra 2:2 ပူးပေါင်းရင်းမြစ်များ

Esra 1:11

Namba long olketa samting ya wetem olketa narafala gol an silva samting wea Sesbasa hemi tekem, hemi kasem 5,400. Sesbasa hemi tekem olketa samting ya, long taem wea hem wetem olketa narafala pipol blong Israel i goaot from Babilonia, an gobaek moa long Jerusalem.

Esra 1:8

King ya hemi talem Mitredat, hu hemi man fo lukaftarem seleni blong king, fo tekemaot olketa tambu samting ya. An Mitredat hemi kaontem olketa samting ya long ae blong Sesbasa, hu hemi lida long traeb blong Jiuda, nao hemi givim olketa gobaek long hem.

Esra 2:1

Hem ya nao nem blong olketa pipol blong disfala provins wea ami blong King Nebukadnesa bin fosim olketa fo lusim lan blong olketa an go stap long Babilonia. Olketa ya i kambaek long barava ples blong olketa long Jerusalem an olketa narafala ples long Jiuda.

Esra 2:3

Long laen blong Paros: 2,172.

Esra 3:2

Nao Haeprist Jesua, san blong Jehosadak, wetem olketa narafala prist, an Serababel, san blong Sealtiel, wetem olketa long laen blong hem, olketa wakembaek moa olta blong God blong Israel, mekem olketa save bonem olketa sakrifaes long hem, barava falom wei wea hemi stap long Lo blong Mosis, man blong God.

Esra 4:3

Bat Serababel an Jesua wetem olketa hed blong olketa laen ya i tok olsem long olketa, “Mifala long Israel nomoa i pipol blong Yawe, an yufala kanduit joenem mifala long disfala waka fo bildimbaek moa Tambuhaos long God blong mifala. Bae mifala nomoa i wakem Tambuhaos ya blong Yawe, olsem wea King Saeras blong Pesia hemi talem long mifala.”

Esra 4:8

Rehum, hu hemi bikman blong king long provins ya wea Jerusalem hemi stap long hem, wetem Simsae, hu hemi sekretri blong provins ya, tufala tu i raetem wanfala leta agensim olketa pipol blong Jerusalem go long King Atasekses. Long leta ya, tufala tok olsem,

Esra 5:2

Taem tufala Serababel, san blong Sealtiel, an Haeprist Jesua, san blong Jehosadak, i herem olketa profesi ya, tufala statem moa disfala waka long Tambuhaos ya blong God long Jerusalem. An tufala profet ya blong God i helpem olketa.

Esra 8:1

Hem ya nao list long olketa hed blong olketa deferen laen hu i kambaek from Babilonia wetem mi, long taem wea King Atasekses hemi gohed fo rul ovarem Babilonia. Samfala nara man long olketa laen ya i kambaek tu wetem mifala. Nem blong olketa nao i olsem:

Nehemaea 10:15

an Buni, an Asgad, an Bebae,

Nehemaea 12:47

An long taem blong Serababel, an long taem wea mi Nehemaea nao mi gavna, evri de, olketa pipol blong Israel i gohed fo givim olketa ofaring, mekem olketa Livaet long kuaea long Tambuhaos wetem olketa Livaet hu i sekiuriti long olketa geit blong Tambuhaos, fo garem kaikai an narafala samting wea olketa nidim long evri de. An olketa givim tu olketa spesol ofaring fo olketa narafala Livaet, an olketa Livaet tu i givim haf long wanem olketa tekem fo go long olketa prist wea i bon kam long laen blong Eron, olsem wea Lo blong God hemi talem.

Nehemaea 7:7

Olketa man hu i lidim olketa ya fo gobaek, nem blong olketa i olsem: Serababel, an Jesua, an Nehemaea, an Asaraea, an Raamaea, an Nahamani, an Modekae, an Bilsan, an Mispa, an Bigvae, an Rehum, an Baana. An olketa pipol long olketa laen blong Israel wea i gobaek, list blong olketa laen wetem namba blong olketa pipol ya hemi olsem:

Hagae 1:1

Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Hagae 1:12

Nao Serababel, san blong Sealtiel, an Haeprist Josua, san blong Jehosadak, an olketa pipol hu i stap long dea i barava herem toktok blong Yawe hu hemi God blong olketa. Olketa obeim mesij wea Yawe, God blong olketa hemi bin sendem Profet Hagae fo talemaot. An olketa pipol i fraetem Yawe.

Hagae 1:14

Nao Yawe hemi mekem Gavna Serababel, an Haeprist Josua, an olketa people long dea fo tingting strong long mesij ya. So olketa stat fo bildimbaek moa Tambuhaos blong Yawe hu hemi garem evri paoa.

Hagae 2:2

?Yu go tok long Gavna Serababel blong Jiuda, an long Haeprist Josua, an long olketa pipol long dea, an yu askem olketa olsem,

Hagae 2:21

long Serababel, gavna blong Jiuda. Hemi tok olsem, ?Bae mi mekem heven an disfala wol fo seksek.

Hagae 2:4

Bat yu Serababel, yu mas strongim tingting blong yu seleva. An yu Josua, yu mas strongim tingting blong yu seleva. Yufala evriwan long disfala ples, yufala mas strongim tingting blong yufala seleva. Mi Yawe hu mi garem evri paoa, mi talem stret long yufala nao: Mi laekem yufala evriwan fo waka, bikos mi stap wetem yufala.

Sekaraea 3:1

Mi lukim narafala spesol drim moa wea Yawe hemi som long mi. Long spesol drim ya, mi lukim Haeprist Josua hemi stanap frant long Enjel blong Yawe. An Seitan tu hemi stanap long dea, long raet saet blong hae prist, an hemi redi fo talemaot samfala poen fo agensim hem.

Sekaraea 3:3

Hae prist ya hemi gohed fo stanap, bat kaleko blong hem hemi barava doti fogud.