Esra 10:5 - Pijin Bible

⁵ So Esra hemi stanap, an hemi mekem olketa sif prist, an olketa lida blong olketa Livaet, wetem olketa narafala lida blong olketa pipol, fo mekem strongfala promis fo duim olsem wea man ya hemi talem.

Pijin Deuterocanon

⁵ So Esra hemi stanap, an hemi mekem olketa sif prist, an olketa lida blong olketa Livaet, wetem olketa narafala lida blong olketa pipol, fo mekem strongfala promis fo duim olsem wea man ya hemi talem.

Esra 10:5 ပူးပေါင်းရင်းမြစ်များ

Esra 10:3

Distaem yumi mas mekem wanfala strong promis long God blong yumi, wea bae olketa man hu i maritim olketa hiden woman ya, olketa mas lusim olketa wetem olketa pikinini blong olketa, an sendem olketa gobaek long ples blong olketa. Yumi mas duim nao olketa samting wea yu wetem olketa narafala man hu i mekhae long olketa strong toktok ya blong God blong yumi, yufala talem long mifala. Ya, yumi mas falom nao olketa samting wea Lo blong God hemi talem.

Nehemaea 10:29

mifala nao joen tugeta wetem olketa bikman ya blong mifala fo mekem disfala barava strong promis. Sapos mifala no kipim promis ya, letem bikfala trabol hemi kasem mifala. “Mifala promis fo falom lo blong God wea hemi givim long Mosis hu hemi wakaman blong hem, an mifala promis fo obeim evri strong toktok an evri rul wea God hemi talemaot long disfala lo.

Nehemaea 13:25

Mi tokstrong long olketa pipol ya, an mi kolem kam trabol fo hemi kasem olketa. Samfala, mi wipim olketa, an samfala, mi pulumaot hea blong olketa fo mekem olketa sem. Mi fosim olketa fo mekem strong promis long nem blong God, wea olketa mas no letem olketa dota long olketa i maritim olketa boe blong olketa hiden pipol, an olketa mas no tekem olketa gele blong olketa hiden pipol ya fo maritim olketa san blong olketa.

Nehemaea 5:12

Olketa lida ya i tok olsem, “Bae mifala duim barava olsem wea yu talem. Evrisamting ya bae mifala givim gobaek long olketa, an bae mifala stop fo no duim moa olketa samting ya.” Den mi kolem olketa prist kam long miting, an frant blong olketa, mi mekem olketa lida ya fo mekem strongfala promis fo duim olsem olketa jes talem.

Provebs 1:5

Letem waes man kamap waes moa, an save lidim man wea skul gud,

Provebs 15:23

Man save givim gudfala ansa, bae hemi save hapi. Gudfala toktok long barava taem blong hem, hemi nambawan samting.

Provebs 27:9

Insens an naesfala oel save mekem yu hapi, bat fren hemi save mekem yu hapi moa.

Provebs 9:9

Tisim waes man bae hemi waes go moa, tisim stret man bae hemi save go moa

Matiu 26:63

Bat Jisas hemi stap kuaet nomoa. An Haeprist ya hemi sei moa long hem, “Long nem blong God hu hemi laef, yu mas talemaot sapos yu nao disfala Mesaea wea hemi San Blong God.”